ق ر پرەزيدەنتى: قازاق- تۇرىك قاتىناستارى دوستىق، ءوزارا تۇسىنىستىك رۋحىندا دامىپ كەلەدى
كەزدەسۋ بارىسىندا مەملەكەت باسشىسى قازاق- تۇرىك قاتىناستارىنىڭ دوستىق، ءوزارا تۇسىنىستىك پەن ىنتىماقتاستىق رۋحىندا قارقىندى دامىپ كەلە جاتقانىن اتاپ ءوتتى.
- تاريحي تامىرى تەرەڭ قاتىناستارىمىز وتە جاقسى. قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ قارىم- قاتىناستى نىعايتۋعا ءوزىنىڭ زور ۇلەسىن قوستى. بۇگىندە ەلدەرىمىز اراسىنداعى تاۋار اينالىمى 2 ميلليارد دوللارعا جۋىقتادى. قازاقستان نارىعىندا كوپتەگەن تۇرىك كومپانيالارى تابىستى ەڭبەك ەتۋدە. حالىقارالىق كۇن تارتىبىندەگى اۋقىمدى ماسەلەلەرگە، اتاپ ايتقاندا كوپجاقتى ۇيىمدار اياسىنداعى ءوزارا ءىس- قيمىلدارعا قاتىستى پىكىرلەرىمىز ورتاق، - دەدى قاسىم- جومارت توقايەۆ.
م. چاۆۋشوگلۋ قازاقستان پرەزيدەنتىنە العىس ايتىپ، ەكى ەل اراسىنداعى ستراتەگيالىق سەرىكتەستىكتىڭ كونسترۋكتيۆتى سيپاتىن اتاپ ءوتتى.