+7 (701) 759 90 19 Лента
28 °С : استانا
27 °С : الماتى
USD 378.83 EUR 430.99
RUB 6.04 CNY 55.05
جاڭالىقتار

پرەزيدەنتتىككە كانديداتتار اراسىندا تەلەۆيزيالىق پىكىرتالاس وتەدى

24 مامىر 15:41 325
:ءبولىسۋ
پرەزيدەنتتىككە كانديداتتار اراسىندا تەلەۆيزيالىق پىكىرتالاس وتەدى

 نۇر- سۇلتان. قازاقپارات - 2019 -جىلدىڭ 9 - ماۋسىمىنا تاعايىندالعان كەزەكتەن تىس پرەزيدەنتتىك سايلاۋعا تۇسەتىن كانديداتتار اراسىندا تەلەۆيزيالىق پىكىرتالاس وتەدى.

مۇنداي شەشىم كوزدەلگەن قاۋلىنى بۇگىن ق ر ورتالىق سايلاۋ كوميسسياسى قابىلدادى، دەپ حابارلايدى قازاقپارات ءتىلشىسى.

ق ر و س ك ق ر پرەزيدەنتىنىڭ كەزەكتەن تىس سايلاۋىندا سايلاۋ الدىنداعى پىكىرتالاستار مەن پىكىرسايىستار وتكىزۋ تۋرالى قاۋلىنى قابىلادى. قابىلدانعان قاۋلىمەن سايلاۋ الدىنداعى تەلەۆيزيالىق پىكىرتالاستار مەن پىكىرسايىستار وتكىزىلەتىن كۇن انىقتالدى. ول 2019 -جىلعى 29 - مامىردا نۇر- سۇلتان قالاسىندا «حابار» اگەنتتىگى ا ق- نىڭ تەلەۆيزيالىق ارناسى ەفيرىندە كورسەتىلەدى»، - دەدى ق ر و س ك مۇشەسى ءلاززات سۇلەيمەن.

ونىڭ اتاپ وتۋىنشە، قازىرگى ۋاقىتتا ق ر پرەزيدەنتىنىڭ سايلاۋىندا سايلاۋ الدىنداعى تەليەۆيزيالىق پىكىرتالاستار مەن پىكىرسايىستاردى جۇرگىزۋ ءتارتىبىن كوزدەيتىن رەگلامەنت ازىرلەنگەن. تەلەپىكىرتالاس 3 راۋندقا بولىنگەن. ءبىرىنشى راۋندتىڭ تاقىرىبى - «قازاقستاننىڭ ەكونوميكالىق دامۋ باسىمدىقتارى». سايلاۋ الدىنداعى تەليەۆيزيالىق پىكىرتالاستار مەن پىكىرسايىستاردىڭ ءبىرىنشى راۋندى ەكى تۋردى قامتيدى. ءبىرىنشى تۋردا ءاربىر قاتىسۋشى ءوزىنىڭ سايلاۋ الدىنداعى باعدارلاماسىن تانىستىرۋ ماقساتىندا ءسوز سويلەيدى.

«ەكىنشى تۋردا قاتىسۋشىلاردان وزدەرىنىڭ وپپونەنتتەرىنە «سۇراق- جاۋاپ» تۇرىندە پىكىرسايىس سەسسياسى جورامالدانادى. قاتىسۋشىلار وزدەرىنىڭ وپپونەنتتەرىنە ەكى سۇراقتان قويىپ، سونداي- اق ەكى سۇراققا جاۋاپ بەرە الادى. ەكىنشى راۋندتىڭ تاقىرىبى - «قازاقستاننىڭ الەۋمەتتىك جاڭعىرۋى». ەكىنشى راۋندتىڭ ءبىرىنشى تۋرىندا قاتىسۋشىلار بەرىلگەن تاقىرىپ بويىنشا ءسوز سويلەيدى. ەكىنشى تۋردا جۇرگىزۋشىلەردىڭ بارلىق قاتىسۋشىلارعا ءبىر سۇراق قويۋى جورامالدانادى. ءۇشىنشى راۋندتىڭ تاقىرىبى - «سايلاۋشىلارعا ارناۋ». ءۇشىنشى، قورىتىندى راۋندتا قاتىسۋشىلار تىكەلەي سايلاۋشىلارعا ارناپ ءسوز سويلەيدى»، - دەدى ول.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات