قاسىم- جومارت توقايەۆ جاڭا مەملەكەتتىك كومپانيالاردى قۇرۋعا موراتوري جاريالادى
«بۇگىن ەكونوميكادا جاڭا مەملەكەتتىك كومپانيالاردى قۇرۋعا موراتوري جاريالايمىن» ، - دەدى پرەزيدەنت مەملەكەتتىك ورگانداردىڭ، «اتامەكەن» ۇ ك پ، ۇلتتىق كومپانيالار مەن وتاندىق بيزنەس وكىلدەرى قاتىسقان ۇلتتىق ينۆەستورلار كەڭەسىندە.
ونىڭ سوزىنە قاراعاندا، ەكونوميكاداعى مەملەكەتتىڭ شەكاراسىن ناقتى ايقىنداۋ كەرەك.
«قيىن- قىستاۋ كەزدەرى مەملەكەت ۇنەمى وزىنە ەكونوميكالىق ءوسىمدى قولداۋدىڭ جۇكتەمەسىن الىپ كەلدى. ەكونوميكانىڭ جۇيەلىك باسەكەگە قابىلەتتىلىگى جەكە بيزنەس ەسەبىنەن قالىپتاساتىنىن ۇمىتپاۋ كەرەك. سوندىقتان ەكونوميكادا مەملەكەتتىڭ ۇلەسىن ەكونوميكالىق ىنتىماقتاستىق جانە دامۋ ۇيىمى ەلدەرىنىڭ ستاندارتتارىنا دەيىن جەتكىزۋ ماقساتى قويىلعان بولاتىن» ، - دەدى مەملەكەت باسشىسى.
قاسىم- جومارت توقايەۆتىڭ پايىمىنشا، بۇل ءوز كەزەگىندە جەكە ينۆەستيتسيالارعا، سونداي- اق شاعىن جانە ورتا بيزنەستىڭ دامۋىنا تىڭ سەرپىن بەرەدى.
«ۇكىمەتكە 1 - قىركۇيەككە دەيىن مەملەكەتتىك كومپانيا ءۇشىن رۇقسات ەتىلگەن بارلىق قىزمەتتىڭ تۇرىنە ريەۆيزيا جۇرگىزۋدى جانە ولاردى قىسقارتۋ بويىنشا ۇسىنىس ەنگىزۋدى تاپسىرامىن» ، - دەپ اتاپ ءوتتى مەملەكەت باسشىسى.