كۇزەت قىزمەتشىلەرى كيىمدەرىنىڭ فورماسى وزگەرەدى

نۇر-سۇلتان. قازاقپارات - ەلدەگى كۇزەت قىزمەتشىلەرىنىڭ كيىمدەرى ءبىرىڭعاي ستاندارتتارعا نەگىزدەلەتىن بولادى، دەپ حابارلايدى قازاقپارات ءتىلشىسى.

بۇل تۋرالى ق ر ىشكى ىستەر ءمينيسترى ەرلان تۇرعىمبايەۆ ەلدەگى كۇزەت ۇيىمدارى قىزمەتىن جەتىلدىرۋ ماسەلەسىنە ارنالعان كەزدەسۋدە ايتتى.

«كۇزەتشىلەر كيىمدەرىن بىرىزدەندىرۋ قاجەت. ارينە، ءاربىر كۇزەت ۇيىمى وزگەلەردەن يميدجى ارقىلى ەرەكشەلەنگىسى كەلەتىنىن تۇسىنەمىز. ءبىراق بارلىعىنا ورتاق ستاندارتتار بولۋى كەرەك. كۇزەتشى سىرت كوزگە بىردەن كورىنۋى مۇمكىن. سوندىقتان وسىنداي شەشىمگە كەلىپ وتىرمىز»، - دەدى مينيستر.

ىشكى ىستەر مينيسترىلىگى ەلدەگى مادەني-كوپشىلىك شارالاردا قوعامدىق ءتارتىپتى كۇزەتۋگە جەكە كۇزەت ۇيىمدارىن دا تارتۋدى كوزدەپ وتىر.