كوكشەتاۋداعى توبەلەس: ۆيدەوباقىلاۋ كامەراسىنىڭ ارقاسىندا ەر ادام امان قالدى

كوكشەتاۋ. قازاقپارات - كوكشەتاۋدا پوليتسەيلەر ۆيدەوباقىلاۋ كامەراسىنىڭ ارقاسىندا ەر ادامدى امان قالىپ قالدى، دەپ حابارلايدى قازاقپارات ءتىلشىسى اقمولا وبلىستىق پوليتسيا دەپارتامەنتى باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتى بويىنشا، بۇگىنگى كۇنى كوشەتاۋ قالاسىندا 130 استان ۆيدەوكامەرا ورناتىلعان. 2019 -جىلدىڭ باسىنان بەرى بۇل ۆيدەوباقىلاۋ كامەرالارىنا 80 استام قىلمىس تىركەلگەن.

سونىڭ ءبىرى، اباي كوشەسىنىڭ بويىندا ورىن العان بۇزاقىلىق كوكشەتاۋ قالالىق پب جەدەل باسقارۋ ورتالىعىنىڭ ۆيدەوباقىلاۋ كامەراسىنا ءتۇسىپ قالعان.

«مامىردىڭ 21 ىندە كوكشەتاۋ قالالىق پوليتسيا ءبولىمى جەدەل باسقارۋ ورتالىعىنىڭ كەزەكشى ينسپەكتورى كوڭىل كوتەرۋ ورنىنان شىققان جاستاردىڭ ءوزارا جاعا ۇستاسىپ قالعانىن جانە ءۇشىنشى جىگىتكە كۇش قولدانعانىن بايقايدى. توبەلەس كوشەنىڭ ورتاسىندا بولعاندىقتان جول قوزعالىسىمەن بىرگە قوعامدىق ءتارتىپتى بۇزۋشىلاردىڭ وزدەرىنىڭ ومىرىنە دە قاۋىپ تونگەن.

كەزەكشى ينسپەكتوردىڭ اقپاراتى بويىنشا دەرەۋ وقيعا ورنىنا «اسكەر-2» جول- پاترۋلدىك ەكيپاجى جەتتى. پوليتسەيلەر جەدەل جاردەم قىزمەتىن شاقىرىپ، 24 جانە 25 جاستاعى كۇدىكتىلەردىڭ سوققىسىنا ۇشىراعان قالانىڭ 44 جاستاعى تۇرعىنىنا كومەك كورسەتتى. قازىرگى كەزدە زارداپ شەگۋشى اقمولا وبلىستىق اۋرحاناسىنا جاتقىزىلدى. ال كۇدىكتىلەر ۋاقىتشا ۇستاۋ وقشاۋلاعىشىنا قامالىپ، تەرگەۋ امالدارى جۇرگىزىلۋدە»، - دەيدى ۆەدومستۆودان.

ايتا كەتۋ كەرەك، جبو ينسپەكتورلارىنىڭ بەينەمونيتورينگ جاساپ وتىرۋى پوليتسەيلەرگە اۋىر قىلمىستاردى جەدەل انىقتاۋعا جانە كۇدىكتىلەردى ىزدەستىرۋگە، كوشە قىلمىسىمەن جانە اكىمشىلىك قۇقىقبۇزۋشىلىقتارمەن كۇرەسۋگە مۇمكىندىك بەرەدى.