انتاليادا حالىقارالىق قۇمدى مۇسىندەر فەستيۆالى اشىلدى
فەستيۆال كۋرورتتىق لورە قالاسىنداعى جاعاجايدا ءوتىپ جاتىر. مۇندا 15 ءمۇسىنشى 200 گە جۋىق تۋىندىنى كورسەتەدى. قۇمدى كومپوزيتسيالار جاساۋ ءۇشىن شامامەن 10 مىڭ توننا قۇم پايدالانىلدى.
تۇنگى ۋاقىتتا قۇمدى مۇسىندەرگە جارىق ءتۇسىرۋ ءۇشىن ارنايى جارىقتاندىرۋ جۇيەسى قولدانىلدى.
كەلۋشىلەر فەستيۆال الاڭىنان اتى اڭىزعا اينالعان اتلانتيدانىڭ، شوتلانديا اڭىزى فينفولكتىڭ، سولتۇستىك ەۋروپانىڭ قۇبىجىعى - كراكەننىڭ، كورەيادان شىققان تاسباقا-كەمەلەرى - كوبۋكسوننىڭ، تەڭىز قۇبىجىعى ليەۆيافاننىڭ، اكۆامەننىڭ، سۋ پەرىسىنىڭ، سيرەنانىڭ، پوسەيدوننىڭ جانە باسقا دا اتى اڭىزعا اينالعان كەيىپكەرلەردىڭ قۇمنان جاسالعان مۇسىندەرىن كورە الادى.
سونىمەن قاتار، الەمنىڭ جەتى كەرەمەتىنىڭ قۇمدى كومپوزيتسيالارى، اتاپ ايتقاندا، حەوپس پيراميدالارى، ءتاج-ماحال جانە گاليكارناس تانىمال كەسەنەسىنىڭ مۇسىندەرى فەستيۆالعا كەلۋشىلەردىڭ نازارىن اۋدارىپ جاتىر.
فەستيۆال رەجيسسەرى دجەم كارادجدىڭ ايتۋىنشا، 15 ءمۇسىنشى ءۇش اپتا ىشىندە 10 مىڭ توننا قۇمنان 200 گە جۋىق كومپوزيتسيا قۇراعان.
انتالياداعى حالىقارالىق قۇمدى مۇسىندەر فەستيۆالى الەمدەگى قۇمدى كومپوزيتسيالاردىڭ العاشقى جانە بىرەگەي اشىق كورمەسى.