+7 (701) 759 90 19
-24 °С : نۇر-سۇلتان
-9 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

قانات يسلام: پرەزيدەنىمىز سپورتتىڭ ۇلكەن جاناشىرى ەكەنىن كورسەتتى

24 مامىر 11:41
:ءبولىسۋ
قانات يسلام: پرەزيدەنىمىز سپورتتىڭ ۇلكەن جاناشىرى ەكەنىن كورسەتتى

نۇر-سۇلتان. قازاقپارات - اقتوبە وبلىسىنا ءىس ساپارمەن بارعان مەملەكەت باسشىسى قاسىم-جومارت توقايەۆ جەرگىلىكتى سپورتشىلار قاۋىمەن دە كەزدەسىپ، ەمەن-جارقىن اڭگىمەلەستى.

بۇل تۋرالى اقتوبە وبلىسىندا پرەزيدەنتىمىزبەن جۇزدەسكەن بەلگىلى كاسىپقوي بوكسشى قانات يسلام شاعىن سۇحباتىندا ايتىپ بەردى.

- قانات، كەشەدەن بەرى الەۋمەتتىك جەلىدە پرەزيدەنتىمىز قاسىم-جومارت توقايەۆپەن بىرگە تۇسكەن سۋرەتىڭىز تاراپ كەتتى. كەزدەسۋ قالاي بولدى؟

- كەزدەسۋ وتە كەرەمەت ءوتتى. پرەزيدەتپەن كەزدەسكەن كەزدەگى اسەرىمدى وزىمدە الەۋمەتتىك جەلىدە جازدىم. وسىعان دەيىن، تۇڭعىش پرەزيدەنتىمىز ەلباسى نۇرسۇلتان ءابىش ۇلى نازاربايەۆ تا سپورتقا ءاردايىم قولداۋ كورسەتىپ كەلگەنىن كوپشىلىك جاقسى بىلەدى. مىنە، جاقىندا ەل تىزگىنىن قولىنا العان جاڭا پرەزيدەنتىمىز توقايەۆ مىرزادا دا ساياسي تۇلعا عانا ەمەس، سپورتتىڭ دا ۇلكەن جاناشىرى ەكەنىنە كوزىمىزدى جەتكىزدى. وسىنداي ەل باستاعان اعالارىمىز سپورتتى شىنايى جاناشىرلىقپەن قولداپ جاتسا، قازاق سپورتى دا وركەندەي بەرەتىنىنە كۇمانىمىز جوق.

- كەزدەسۋدەگى اسەرىڭىزدى ءوز اۋىزىڭىزدان ەستىسەك...

- شىنىمدى ايتسام، اڭگىمە رەسمي فورماتتا وتەتىن شىعار دەپ ويلاعام.

ءبىراق، پرەزيدەنتتىڭ ءوزى بىردەن شەشىلە اڭگىمە باستاپ كەتتى. «سەنى جاقسى بىلەمىن، سۇحباتتارىڭدى وقىعانمىن» دەدى. سودان كەيىن-اق، ەتەنە جاقىن ادامداي ەمەن-جارقىن اڭگىمەگە كوشتىك.

- نە تۋرالى اڭگىمە وربىتتىڭىزدەر؟

- سپورتشى رەتىندە الداعى جوسپارلارىمدى ايتتىم. «QAZAQ promotions» پروموۋتەرلىك كومپانياسى الداعى 5-شىلدەدە ۇلكەن بوكس كەشىن وتكىزگەلى جاتقانىن، بۇل الماتى قالاسىنىڭ اكىمى باۋىرجان بايبەكتىڭ قولداۋىمەن جۇيەلى تۇردە ءار ەكى اي سايىن ءوتىپ تۇراتىن كاسىپقوي بوكستاعى ءىرى جوبا ەكەنىن جەتكىزدىم. ول كىسى ءسوزىمدى بىردەن قۇپتادى. قۇپتاپ قانا قويعان جوق، «ءوزىم بارامىن!» دەدى. مۇندايدا ءوزى نە دەرىڭدى بىلمەي قالادى ەكەنسىڭ!




-
سول بوكس كەشىنە شاقىرعان بولارسىز؟

- ارينە، «ءوزىم بارامىن!» دەگەن كەزدە «ءيا، ءسىزدى سول بوكس كەشىنە شاقىرامىن!» دەدىم. بۇل ارينە، مەن كۇتپەگەن جاعداي بولدى.

- ارى قاراي تاعى قانداي جوسپارلارىڭدى ءبولىسىپ ۇلگەردىڭىز؟

- ارى قاراي پرەزيدەنتىمىز القالى ەلدىڭ الدىنا شىعىپ، ۇلكەن بايانداما جاسادى. وندا ەلىمىزدەگى ءبىلىم جانە الەۋمەتتىك سالالار بويىنشا وتە وزەكتى دۇنيەلەردى العا تارتتى. پرەزيدەنتتىڭ سوزدەرىنەن كەيىن قازاق ەلىنىڭ بولاشاعىنا دەگەن سەنىمىمىز ارتا ءتۇستى. ءار ءسوزى كوڭىلىمىزگە ۇلكەن سەنىم ۇيالاتتى. شىنىمدى ايتسام، قۋاندىم!

- پرەزيدەنتىمىزدىڭ ءار باسقان قادامى، كۇندەلىكتى ءومىرى اركىمدى قىزىقتىرماي قويمايدى. ال ءسىز پرەزيدەنتتىڭ ومىرىمەن قانشالىقتى جاقىن تانىسسىز؟

- وسىنىڭ الدىندا ەلىمىزدەگى سايتتاردىڭ بىرىنەن «پرەزيدەنتتىڭ ەسىمى» دەگەن ماقالاعا كوزىم ءتۇسىپ، وقىپ شىعىپ ەدىم. اكەسىنىڭ وتە اۋىر تاعدىردى كەشە ءجۇرىپ، سوعىستا جالعىز اعاسى قاسىمنان دا ايىرىلىپ جالعىز قالعانىن، سودان قاسىم ەسىمى ۇمىتىلماسىن دەپ تۇڭعىشىنىڭ اتىنا ادەيىلەپ قاسىمدى قوسقانى ەرەكشە اسەر ەتىپ ەدى. مىنە، كەشەگى كەزدەسۋدەن كەيىن تاعدىر تاۋقىمەتىن تارتقان، ەڭبەگىنە سۇيەنىپ، بىلىمىنە سەنگەن اكە تاعىلىمى بويىنا دارىعان دارا تۇلعانىڭ كىشىپەيىلدىگىنە، بۇگىنگى ايرىقشا ىقىلاسىنا ءوز تاراپىمنان ءىلتيپاتىم - قازاققا قالتقىسىز قىزمەت ەتۋ دەپ ۇعىندىم. بۇل كەزدەسۋ الداعى ۇلكەن بوكس كەشىمىزگە زور كۇش-جىگەر بەردى! قازاقتىڭ مەرەيى ءوسىپ، مەيماناسى تاسىعان، بەدەلى اسقاقتاپ، بەرەكەسى ارتقان، جەڭىستى دە، جەمىستى كۇندەرىندە جولىعايىق! ءبارىمىز سونداي كۇندەر ءۇشىن جۇمىلا جۇدىرىق بولىپ قىزمەت ەتەيىك!

- جوعارىدا «QAZAQ promotions» پروموۋتەرلىك كومپانياسى الداعى 5-شىلدەدە ۇلكەن بوكس كەشىن وتكىزگەلى جاتقانىن ايتىپ كەتتىڭىز. بۇل «QAZAQ promotions» پروموۋتەرلىك كومپانياسىنىڭ باستى ماقساتىن ايتا كەتسەڭىز؟

- ءار سالادا جۇرگەن ادامنىڭ ءوزىنىڭ ءار ءتۇرلى ماقساتى بولادى. مەنىڭ ماقساتىم - سپورتشى رەتىندە ەلدىڭ ابىرويىن اسقاقتاتۋ. ەلگە قىزمەت ەتۋ. ەلگە قىزمەت ەتۋ كىشكەنتاي ىستەردەن باستالادى. مەنىڭ بۇل «QAZAQ promotions» پروموۋتەرلىك كومپانياسىن قۇرۋداعى ماقساتىمدا سول. قازاقستاندا كاسىپقوي بوكستى دامىتۋ. بۇل كومپانيانى امەريكانىڭ ءىرى پروموۋتەرلىك كومپانيالارىمەن بىرلەسىپ، ۇلكەن بوكس كەشتەرىن ۇيىمداستىرۋعا باعىتتاپ اشقان بولاتىنبىز. قازىر قاراپ تۇرساڭىزدار كەي وبلىستاردا 3-4 مىڭ، ال كەيبىر وبلىستاردا 6-7 مىڭعا دەيىن بوكسقا باراتىن بالالار بار ەكەن. ولاردىڭ بارلىعىنىڭ بىردەن اۋەسقوي بوكستا باقتارى جانباۋى مۇمكىن. ۇلتتىق قۇراماعا ءار سالماقتان 4-5 تەن عانا بالا قابالدانادى دەسەك، قالعانى قايدا بارادى؟!. ءبىز سول قالعان بوكسشىلارعا كاسىپقوي بوكستىڭ قىر-سىرىن ۇيرەتىپ، قازاقستانعا وزدەرىن تانىتۋ ماقساتىندا جۇمىس جاساپ جاتىرمىز.

- اڭگىمەڭىزگە راحمەت!

اۆتور: كۇنسۇلتان وتارباي


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات