نۇر-سۇلتانداعى «استانا سۋ ارناسىنىڭ» ءتورت جۇمىسشىسى قۇدىققا قۇلاپ، قايتىس بولدى
بۇل تۋرالى قازاقستان توتەنشە جاعدايلار كوميتەتى حابارلادى.
كوميتەتتىڭ حابارلاۋىنشا، مەكەمەنىڭ التى جۇمىسشىسى قالاداعى قۇدىقتىڭ بىرىندە جوندەۋ جۇمىستارىن جۇرگىزگەن. سول كەزدە بىرەۋى ەسىنەن تانىپ، قۇدىققا قۇلاعان. ونى قۇتقارماق بولعان تاعى ءۇش جۇمىسشى گازعا قۇدىق ىشىندە ۋلانىپ قالعان. سىرتتا قالعان ەكى ادامنىڭ ءبىرى اۋرۋحاناعا تۇسكەن، جاعدايى ءبىرقالىپتى.
«قازا تاپقاندار 1988، 1993، 1995 جانە 1967 -جىلى تۋعان. كۇنى بويى جۇمىس ىستەگەن. بارلىعىندا رەسپيراتور (ۋلى گازدان، شاڭ-توزاڭنان تىنىس جولدارىن ساقتاپ تۇراتىن قۇرال - رەد. ) بولعان. ءبىراق قۇدىقتان دەنەلەردى شىعارعاندا رەسپيراتور بولمادى. جۇمىس اياقتالعان كەزدە ونى شەشىپ تاستاعان سياقتى. ەگەر رەسپيراتور بولعاندا امان قالار ەدى» دەدى توتەنشە جاعدايلار كوميتەتىنىڭ باسشىسى ۆلاديمير بەككەر.
نۇر-سۇلتان قالالىق پوليتسيا دەپارتامەنتى بۇل وقيعا بويىنشا تەرگەۋ باستالعانىن حابارلادى. ەڭبەك جانە حالىقتى الەۋمەتتىك قورعاۋ مينيسترلىگى وقيعانى تەكسەرۋ ءۇشىن ارنايى كوميسسيا قۇرىلعانىن مالىمدەدى.