+7 (701) 759 90 19
-1 °С : نۇر-سۇلتان
-4 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

بىزگە اينالامىزدى تازا ۇستاۋ مادەنيەتى جەتىسپەيدى - داۋرەن ابايەۆ

24 مامىر 10:14
:ءبولىسۋ
بىزگە اينالامىزدى تازا ۇستاۋ مادەنيەتى جەتىسپەيدى - داۋرەن ابايەۆ

نۇر-سۇلتان. قازاقپارات - ق ر اقپارات جانە قوعامدىق دامۋ ءمينيسترى داۋرەن ابايەۆ الماتىداعى قوقىس پوليگونىنىڭ قالاي وشىرىلگەنى تۋرالى ايتىپ بەردى، دەپ حابارلايدى قازاقپارات ءتىلشىسى.

داۋرەن ابايەۆ «حابار» ارناسىنداعى «اشىق ديالوگ» باعدارلاماسىندا الماتى وبلىسىنىڭ پوليگونىندا بولعان ءورتتى سوندىرۋشىلەرگە العىس ايتتى.

«ەڭ باستىسى الماتىداعى قوقىس پوليگونىندا بولعان ورتتەن ەشبىر ادام زارداپ شەككەن جوق. وتە كوپ تەحنيكا جۇمىلدىرىلدى. 150 دەن استام ادام قاتىستى. ءورت سوندىرۋشىلەرگە العىس ايتۋىمىز كەرەك. ءورت وتە جىلدام ءسوندىرىلدى. ادەتتە مۇنداي پوليگونداعى ورتتەردى اۋىزدىقتاۋعا كوپ ۋاقىت كەتەدى»، - دەدى ول.

مينيستر ەلدەگى قوقىس پوليگوندارىنىڭ ماسەلەسى قالاي شەشىلەتىنىن دە ايتتى.

«ارينە، بۇل پروبلەمانى شەشۋدىڭ جالعىز جولى قالدىقتاردى ۋتيليزاتسيالاۋ. ول ءۇشىن قوقىستى سۇرىپتاپ توگىپ ۇيرەنۋىمىز قاجەت. مۇنداي جۇيەنىڭ جەمىس بەرۋى ءۇش دۇنيەگە بايلانىستى. ءبىرىنشىسى - مەملەكەتتىك قولداۋ. ەكىنشىسى - بيزنەس باستاما. ءۇشىنشىسى - ازاماتتاردىڭ جاۋاپكەرشىلىگى. قازىر كورىپ وتىرعانىمىزداي بىزدە مەملەكەتتىك قولداۋ مەن بيزنەس باستاما بار. ءبىراق، وكىنىشكە وراي ازاماتتىق باستاما بايقالماي تۇر. ازاماتتاردىڭ قوقىس توگۋ مادەنيەتى جەتىسپەي جاتىر. ءىرى قالالاردا كوپتەگەن اۋلالاردا قوقىستى سۇرىپتاپ توگەتىن كونتەينەرلەر بوس تۇراتىنىن كورىپ ءجۇرمىز. بىزدە كولىك تەرەزەسىنەن شولمەك پەن دوربا تاستاپ، ۇيىنە كەلگەن سوڭ اكىمدىك كوشەنى تازالامايدى دەپ شاعىمداناتىن ادەت قالىپتاستى»، - دەدى ول.

حابار بارىسىندا داۋرەن ابايەۆ 2021-جىلعا قاراي پوليگونعا توگۋگە تىيىم سالىناتىن قالدىق تۇرلەرىنىڭ كوبەيەتىنىن ءمالىم ەتتى.

«مەنىڭ بىلۋىمشە، ەلىمىزدە 150 دەن استام قوقىس سۇرىپتاپ، وڭدەيتىن كاسىپورىن بار. قازىر بارلىق قوقىستىڭ 10 پايىزىنان استامى عانا قايتا وڭدەلەدى. ال جەتەكشى ەلدەردە بۇل كورسەتكىش 90 پايىزعا تاياۋ. بىزدە اقىرىن بولسا دا، ءوسىم بار. ۇكىمەت 2019-جىلدىڭ 1- قاڭتارىنان باستاپ پلاستماسسا، قاعاز بەن شىنى قالدىقتارىن توگۋگە تىيىم سالدى. 2021-جىلدان باستاپ وسىنداي تىيىم قۇرىلىس جانە تاماق قالدىقتارىنا سالىنادى. ياعني، ونىڭ ءبارى قايتا وڭدەلۋى ءتيىس. بۇل شارالار قوقىس پوليگوندارىنىڭ اۋقىمىن ازايتىپ، اۋاعا تارايتىن زياندى زاتتاردىڭ كولەمىن تومەندەتەدى. ورتەنۋ سياقتى ەكولوگيالىق تاۋەكەلدەردى كەمىتەدى»، - دەدى مينيستر.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات