شىمكەنتتە جاڭا اۋەجاي سالىنىپ جاتىر

شىمكەنت. قازاقپارات - قالاداعى اسپان استى مۋزەيدىڭ اشىلۋى جانە ودان باسقا ءۇشىنشى مەگاپوليس قالانىڭ تۋريستىك پوتەنتسيالى تۋرالى قالالىق تۋريزم باسقارماسىنىڭ باسشىسى تۇرار احمەتوۆ قازاقپارات تىلشىسىنە بەرگەن سۇحباتىندا ايتىپ بەردى.

«شىمكەنت قالاسىنىڭ تۋريزمىن دامىتۋدىڭ ءۇش نەگىزگى باعىتى بار. الدىمەن قالانىڭ ينفراقۇرىلىمىن ىلگەرىلەتۋ، ياعني بار نىسانداردى ودان ءارى دامىتىپ جانە جاڭا نىساندار تۇرعىزۋ. ەكىنشىدەن، تۋرونىمدەر مەن ولاردىڭ سەريۆيسىن جەتىلدىرۋ. جانە ءۇشىنشى كەزەكتە تۋريزمدى دارىپتەۋ ياعني ماركەتينگتىك قادام ارقىلى ىشكى تۋريزمگە جارناما جاساۋ. ينفراقۇرىلىم بويىنشا باستى جاڭالىقتاردىڭ ءبىرى جاڭا اۋەجاي سالىنۋدا، ول كەلەر جىلدىڭ العاشقى جارتى جىلدىعىندا پايدالانۋعا بەرىلەدى. سونداي-اق، ق ت ج- نىڭ بىرلەسىپ تەمىر جول ۆوكزالى كۇردەلى جوندەۋدەن وتەدى. بۇل جۇمىستار ءوز كەزەگىندە قالامىزعا تۋريستەر تارتۋدىڭ وڭ قادامى بولىپ تابىلادى»، - دەيدى ت. احمەتوۆ.

شىمكەنتتە جاڭا اۋەجاي سالىنىپ جاتىرونىڭ ايتۋىنشا، جاڭادان سالىناتىن تۋريستىك نىسانداردىڭ نەگىزگى بولىگى جەكە ينۆەستورلاردىڭ قارجىسىمەن جۇزەگە اسىرىلادى.

«ودان بولەك، جاڭا تۋريستىك نىساندار سالۋ قولعا الىنۋدا اتاپ ايتقاندا كونە قالا ورنىندا تاريحي اسپان استى مۋزەيى اشىلاتىن بولادى. بۇل جوبا قازىر ءجۇرىپ جاتىر، كەلەسى جىلى پايدالانۋعا بەرۋ جوسپارلانۋدا. ول جەردە مۋزەيدەن بولەك تولىق تۋريستىك كەشەن جاسالادى. ياعني، دەمالۋعا جانە ءتۇرلى مادەني ءىس-شارالار وتكىزىلەتىن ورىندار بولادى. قالالىق تۋريزمدى دامىتۋدا كونە قالا ورنىنىڭ ماڭىزى زور، سەبەبى ول وڭىرلىك جانە رەسپۋبليكالىق ماڭىزى بار تۋريستىك 50 نىساننىڭ ىشىندە كىرىپ وتىر. ستاتيستيكالىق مالىمەتتەرگە قاراعاندا، وتكەن جىلى قالاعا وتكەن جىلى 178014 تۋريست كەلگەن. ەندى جوسپار 2025-جىلعا دەيىن تۋريستەردىڭ سانىن 1 ميلليونعا جەتكىزۋ»، - دەدى ول.

سونىمەن قاتار، باسقارما باسشىسى شىمكەنتتە تۋريستەرگە ارنالعان اقپاراتتىق پورتالدىڭ ازىرلەنىپ جاتقانىن جەتكىزدى.

«ىشكى تۋريزمدى ونىڭ ىشىندە قالالىق تۋريزمدى دامىتۋ جولىنداعى تاعى ءبىر قولعا الىنىپ جاتقان جۇمىستاردىڭ ءبىرى ول اقپاراتتاندىرۋ. بۇل باعىتتا بيىل جىلدىڭ سوڭىندا قالانىڭ تۋريستىك پورتالىن ىسكە قوسۋدى جوسپارلاپ وتىرمىز. ونىڭ ىشىندە تۋريستىك ورىندار، ولارعا جەتۋ مۇمكىندىكتەرى مەن باسقا دا اقپاراتتار ورنالاسادى. ودان بولەك، موبيلدى قوسىمشا ازىرلەۋ جوسپاردا بار. تەستىلەۋ رەجىمىنەن ءساتتى وتسە، ۇستىمىزدەگى جىلدىڭ سوڭىنا دەيىن قولدانىسقا ەنگىزىلەدى»، - دەدى ول.

ايتا كەتسەك، «Kazakh Tourism» ۇلتتىق كومپانياسىنىڭ مۇرىندىق بولۋىمەن ەلىمىزدە ون كۇندىك اقپاراتتىق تۋر ءوتىپ جاتىر. ماقساتى - ىشكى تۋريزمنىڭ پوتەنتسيالىن ارتتىرۋ جانە دارىپتەۋ. اقپاراتتىق تۋرعا ەلىمىزدىڭ باتىس وڭىرلەرىنەن اتاپ ايتقاندا اتىراۋ، اقتوبە، ب ق و جانە ماڭعىستاۋ وبلىستارىنداعى تۋريستىك اگەنتتىك وكىلدەرى قاتىسۋدا. ولار شارا بارىسىندا نۇر-سۇلتان، الماتى، شىمكەنت قالالارى مەن الماتى، تۇركىستان، ش ق و جانە اقمولا وبلىستارىنىڭ تۋريستىك نىساندارى مەن ساۋىقتىرۋ كەشەندەرىنىڭ جۇمىسىمەن تانىسا وتىرىپ ءوزارا تاجىريبە الماسادى.