دانيار ەلەۋسىنوۆ جەتىنشى جەكپە-جەگى تۋرالى ايتتى

نۇر-سۇلتان. قازاقپارات - قازاقستاندىق بوكسشى دانيار ەلەۋسىنوۆ (6-0، 3 ك و) ءوزىنىڭ جەتىنشى جەكپە-جەگى الدىندا باسپا ءسوز ءماسليحاتىن وتكىزدى، دەپ حابارلايدى قازاقپارات Sports.kz سىلتەمە جاساپ.

«مەن مەريلەند ءوزىمدى باقىتتى سەزىنۋدەمىن. شوۋ كەرەمەت بولادى دەپ بولجانۋدا. بۇل مەنىڭ جەتىنشى جەكپە-جەگىم جانە وعان قازاقستاندىقتار دا قاتىسىپ، جانكۇيەر بولماق. ءبارى جاقسى بولادى دەگەنگە سەنەمىن»، - دەدى ەلەۋسىنوۆ.

ەسكە سالساق، جەكپە-جەك مەريلەند شتاتىنىڭ وكسون-حيلل قالاسىندا وتەدى. ەلوردا ۋاقىتى بويىنشا ايقاس ۋاقىتى 26- مامىردىڭ تاڭەرتەڭگى ۋاقىتىنا سايكەس كەلەدى جانە جەكپە-جەك تىكەلەي ەفيردەن كورسەتىلەدى.

ايتا كەتسەك، دانيار ەلەۋسىنوۆ (6-0، 3 ك و) گولوۆكين-روللس جەكپە-جەگىنىڭ اندەركارتىندا شىعۋى كەرەك ەدى. الايدا كەيىن بوكسشىنىڭ مەنەدجەرى زيا اليەۆ ەلەۋسىنوۆتىڭ 8- ماۋسىمداعى گولوۆكين-روللس اندەركاردىنداعى جەكپە-جەگى بەلگىسىز سەبەپتەرگە بايلانىستى بولمايتىنىن جەتكىزگەن.