جامبى اتۋدان قازاقستان چەمپيونى انىقتالدى
جامبى اتۋدىڭ ەكى كەزەڭىنەن وتكەن سايىسقا ەلىمىزدىڭ تۇكپىر-تۇكپىرىنەن 22 سپورتشى قاتىستى. العاشقى كەزەڭ «قالقان اتۋدان» ىرىكتەلىپ 11 ويىنشى «جامبى اتۋ» - قازاق ستيلىنە جولداما الدى. بۇل 11 ويىنشى ەكىنشى كەزەڭدە تارتىستى ويىن كورسەتە ءبىلدى. الاڭ ورتاسىندا ءا دەگەننەن قىزىلوردالىق عالىمجان ءومىرتاي ءوز مەرگەندىگىمەن تانىلدى. بىردەن 15 ۇپاي بەرەتىن التىن جامبىنى اتتى. ەكىنشى اينالىمدا دا 10 ۇپاي بەرەتىن كۇمىس جامبىعا تاعى ءدوپ تيگىزگەن ول وزگەلەردەن وق بويى وزىق شىقتى. ال ويىن بارىسىندا 5 ۇپاي بەرەتىن قولا جامبىعا نۇر-سۇلتاننان كەلگەن دياس احمەتوۆ 1 رەت تيگىزدى.
سونىمەن جوعارىداعى 11 ويىنشىنىڭ قازاق ستيلىندە جيناعان ۇپاي ساندارى مىناداي. بۇل جەردە العاشقى «قالقان اتۋ» كەزەڭىنىڭ دە ۇپايلارى قوسا ەسەپتەلەدى.
نۇرسۇلتان ءجۇسىپالين (اقمولا وبلىسى) - 4 ۇپاي.
ازامات نۇرتايەۆ (اقمولا وبلىسى) - 13 ۇپاي
عالىمجان ءومىرتاي ( قىزىلوردا وبلىسى) - 29 ۇپاي
ىنتىماق شىڭعىسباي (نۇر-سۇلتان قالاسى) - 8 ۇپاي
ەرالحان ايكوز (تۇركىستان وبلىسى) - 20 ۇپاي
ءاليا بەكەن (س ق و) - 2 ۇپاي
دياس احمەتوۆ (نۇر-سۇلتان قالاسى) - 10 ۇپاي
ايتبەك سارىباي (تۇركىستان وبلىسى) - 9 ۇپاي
ابزال تۋلىبەكوۆ (جامبىل وبلىسى) - 25 ۇپاي
سەرىك الىبايەۆ (الماتى قالاسى) - 5 ۇپاي
ءجانادىل عازەزوۆ (ب ق و) - 4 ۇپاي