ءدارىنى رەتسەپسىز ساتقان ءدارىحاناعا قانشا ايىپپۇل سالىنادى
بۇل تۋرالى بۇگىن ق ر دەنساۋلىق ساقتاۋ مينيسترلىگىنىڭ فارماتسيا كوميتەتى نۇر- سۇلتان قالالىق دەپارتامەنتى باسشىسىنىڭ مىندەتىن اتقارۋشى ەرالى نۇرعازين ايتتى، دەپ حابارلايدى قازاقپارات ءتىلشىسى.
«ءدارى- دارمەكتى رەتسەپسىز بوساتقان جەكە تۇلعاعا 70-تەن 100 اەك- كە دەيىن، ال بيزنەس سۋبەكتىلەرگە 130-دان 1000 اەك- كە دەيىن ايىپپۇل سالىنادى»، - دەدى ول ەلورداداعى №7 ەمحانادا وتكەن باسپا ءسوز ءماسليحاتىندا.
دەگەنمەن، ول ەلوردا ءدارىحانالاردا ءدارى- دارمەكتەردى رەتسەپسىز ساتۋ دەرەكتەرىنىڭ ازايىپ كەلە جاتقاندىعىن ايتتى.
«تولىقتاي العاندا، ازايۋ تەندەنتسياسى بايقالادى. سەبەبى ءبىز ەمحانالارمەن جانە دارىحانالارمەن بىرگە جۇمىس ىستەپ جاتىرمىز. ءبىراق، پروبلەما ءالى دە قالىپ وتىر. سوندىقتان باسپا ءسوز ءماسليحاتىن وتكىزدىك»، - دەدى ول.
ال نۇر- سۇلتان قالالىق قوعامدىق دەنساۋلىقتى قورعاۋ دەپارتامەنتى باسشىسىنىڭ ورىنباسارى مارال جۇرىنوۆا مۇنداي وقيعالاردىڭ الدىن الۋ ءۇشىن قولدانىلاتىن شارالار، ونىڭ ىشىندە «استانا دەنساۋلىقتى تاڭدايدى» جوباسى تۋرالى ايتتى.
«وسى جوبانىڭ اياسىندا ءبىز ەلورداداعى بارلىق ءدارىحانا جەلىسىنە اقپاراتتىق پاراقشالار تاراتىپ، اقپاراتتىق تاقتايلار شىعاردىق. بۇل تاقتايلار ەلوردانىڭ بارلىق ءدارىحانالارىندا بار. وندا انتيبيوتيكتەر عانا ەمەس سونىمەن بىرگە گورموندىق تا، ستەرويدتى دا دارىلەر رەتسەپتىمەن ساتىلۋى تيىستىگى ايتىلعان»، - دەدى م. جۇرىنوۆا.
اۆتور: مارلان جيەمباي