قان ۇيۋىنا قارسى تۇراتىن ازىق- تۇلىك

None
None
نۇر- سۇلتان. قازاقپارات -  راك، ج ي ت س (س پ يد) جانە جول اپاتىنا قاراعاندا، قاننىڭ ۇيۋىنان (ترومبوز) ادام كوبىرەك قايتىس بولادى ەكەن. ترومبوەمبوليانىڭ %25 ى كۇتپەگەن ولىمگە اكەلەدى.

 "ترومبوەمبوليا" تەرمينى - اۋرۋدىڭ اتى ەمەس، ينفاركت، ينسۋلت جانە باسقا دا ناشار جاعداي شاقىراتىن جانە ءجيى ءولىم جاعدايىنا اكەلەتىن اۋىتقۋ. قان نەلىكتەن ۇيدى؟

 ادەتتە، قانتامىرلار قابىرعاسى زاقىمدالعاندا قان جوعالتۋ مۇمكىنكىندىگىنەن قورعانۋ ءۇشىن ترومبتار تۇزەدى. ترومب زاقىمدالماعان قانتامىرلاردا دا پايدا بولۋى مۇمكىن، ءبىراق ساۋ اعزا ولارمەن ءوزى كۇرەسە الادى: ولاردى ارنايى اقۋىزدار كومەگىمەن بىرنەشە كۇندە ىدىراتىپ جىبەرەدى. الايدا قازىر شارتتى تۇردە "ساۋ" ادامدار كوپ ەمەس. سوندىقتان كوپ جاعدايدا ول باسقاشا ورىن الادى:

 قانتامىردىڭ قابىرعاسىنا جابىسقان ترومب وسەدى جانە قان اينالىمعا كەدەرگى جاسايدى. بۇل ترومبوز، ول ترومبوەمبولياعا اينالماس بۇرىن بىردەن دارىگەرگە قارالۋ كەرەك. ترومبتار نەلىكتەن تۇزىلەدى؟ ەرەجە بويىنشا، ترومبتار قان وتە قويۋ بولعاندا تۇزىلەدى. قان جاسۋشالارى "جابىسا" بەرسە، ترومب ءتۇزىلۋى وڭاي بولا تۇسەدى. نەلىكتەن قان قويۋلانادى؟ دارىگەرلەردىڭ ايتۋىنشا، وعان قان قۇرامىنىڭ وزگەرۋى، ۇيىعىشتىقتىڭ جوعارىلاۋى، سۋ جەتىسپەۋشىلىگى، دارۋمەندەر مەن مينەرالداردىڭ جەتىسپەۋشىلىگى، جاسۋشالار مەن تىندەردىڭ قىشقىلدانۋى، كوكباۋىر جۇمىسىنىڭ بۇزىلۋى، سوزىلمالى كۇيزەلىس جانە ت. ب جاعدايلار اسەر ەتۋى مۇمكىن. بۇل تىزىمگە قاراساق، ترومب تۇزىلۋىنە دۇرىس ەمەس ءومىر سالتى مەن دۇرىس تاماقتانباۋ تىكەلەي اسەر ەتەتىندىگىن تۇسىنەمىز. سونىمەن قاتار، ترومب تۇزىلۋىنە ساۋلەلەنۋ مەن كوپ قان جوعالتۋ ىقپال ەتەدى. ترومب ءتۇزىلۋىنىڭ الدىن الۋ ءۇشىن جاتتىعۋ جاساۋدى ادەتكە اينالدىرۋ قاجەت جانە تاماقتانۋدى رەتكە كەلتىرۋ كەرەك. تاماق تانۋ مازىرىنەن قان قويىلتاتىن ازىق- تۇلىكتى الىپ تاستاۋ قاجەت. سۋ ءىشۋ رەجيمى كۇنىنە 1,5-2 ل تازا گازدالماعان سۋ ءىشىڭىز. تاماق جەگىڭىز كەلگەندە الدىمەن 1 ستاقان سۋ ءىشىپ الىڭىز. سەبەبى ادام ءوز ازعاسىنىڭ نە قالاپ تۇرعانىن تۇسىنە بەرمەيدى، سۋ ىشكەن سوڭ شىنىمەن قارنىڭىز اشىپ تۇرعانىن نەمەسە جاي شولدەگەنىن تۇسىنەسىز. جەمىستەر مەن كوكونىستەردىڭ بالعىن شىرىنى، تابيعي جەمىس- جيدەكتىك مورستار مەن كومپوتتار، قاراپايىم قويۋ ەمەس قارا شاي، كوك شاي، شوپتەردەن جاسالعان شايلار دا ترومب تۇزىلۋىنە كەدەرگى بولا الادى.

 قانتسىز كاكاو دا قان ۇيۋىنا كەدەرگى بولادى. ونىڭ قۇرامىندا تەوبرومين، فيتونتسيد جانە كوپتەگەن انتيوكسيدانتتار بار. الايدا تاۋلىگىنە 20-30گ كاكاو جەتكىلىكتى، ەگەر ونى كوپ مولشەردە ىشسەڭىز، كەرى اسەرىن بەرۋى مۇمكىن. جەمىستەر مەن كوكونىستەر زياندى " ءدامدى" تاماق جەگەندى ۇناتاتىندار بالعىن جەمىستەر مەن كوكونىستەر تۋرالى ەستىگىسى كەلمەيدى. كەي ەر ادامدار ولاردى "شوپتەر" دەيدى. قان ۇيىعىشتىعىنا جاۋاپ بەرەتىن فيبرينوگەن اقۋىز دەڭگەيى جانۋارلار مايىن كراحمالمەن بىرگە (كارتوپ، اق نان، تازارتىلعان جارمالار، ماكارون جانە ت. ب) كوپ جەيتىندەردە جوعارى بولادى. ولاردا ترومب ءجيى ءتۇزىلىپ، قيىن ىدىرايدى. ال جەمىستەر مەن كوكونىستەر كەرىسىنشە، ترومب تۇزىلۋىنە قارسى تۇرادى. كراحمالدى ەمەس ەڭ جاقسى كوكونىستەرگە بولگار بۇرىشى، ۇرمەبۇرشاق، بۇرشاق، باكلاجان، ورامجاپىراق، قيار، پياز جانە حوش ءيىستى شوپتەر جاتادى.

 مايلى ەتكە كارتوپتىڭ ورنىنا ءسابىز، اسقاباق، جۇگەرى، كادى جانە قىزاناق قولدانۋعا بولادى. پايدالى بالىق ترومب تۇزىلۋىنە كەدەرگى بولاتىن كەرەمەت ونىمگە ومەگا-3 قىشقىلدارىنا باي البىرتتان سارديناعا دەيىنگى مايلى بالىقتار جاتادى. عالىمداردىڭ ايتۋىنشا، ادامعا كۇنىنە 100-150گ بالىق جەگەننىڭ ءوزى جەتكىلىكتى. سونىمەن قاتار، زەرتتەۋلەر بالىقتى ۋاقىتىلى جەۋ ترومبوتسيتتەردىڭ ءپىشىنىن جاقسارتاتىندىعىن، ياعني ولاردى ۇقىپتى ءارى تەگىس ەتەدى. ول دەگەنىمىز ولاردىڭ ءبىر- بىرىنە جابىسا بەرۋ ءقاۋپىن بىردەن ازايتادى. پياز بەن سارىمساق پياز ترومب تۇزىلۋىنە كەدەرگى بولادى. ول شيكى جانە تەرميالىق وڭدەلگەن كۇيىندە دە پايدالى. ول مايلى تاعاممەن بىرگە دە ترومب ءتۇزىلۋىنىڭ الدىن الادى. پياز بەلسەندى كومپونەنتتەرگە، سونىڭ ىشىندە كۆەرتسەتينگە باي جانە قىلتامىرلاردى قورعاۋ قاسيەتىنە يە. سارىمساقتىڭ ادام اعزاسىنا پايداسى تۋرالى ءبارىمىز بىلەمىز. سارىمساق ترومب ءتۇزىلۋىنىڭ الدىن الۋعا دا پايدالى ەكەن. باسقا ونىمدەر ترومب ءتۇزىلۋىنىىڭ "قارسىلاستارىنا" تابيعي بال، قىزىل شاراپ (از مولشەردە) ، ەمدىك دامدەۋىشتەر، ءزايتۇن مايى جانە جاڭعاقتار جاتادى. كارديولوگتار دۇرىس تاڭعى اس ترومب ءتۇزىلۋ قاۋپىن %60  عا تومەندەتەتىنىن بايقاعان. سوندىقتان دۇرىستاپ تاڭعى اس ءىشۋدى ۇمىتپاڭىز!

Massaget.kz

سوڭعى جاڭالىقتار