وتانداستار قورىنىڭ بايلانىس ورتالىعى شاعىمدار قابىلداي باستادى

نۇر- سۇلتان. قازاقپارات - «وتانداستار قورى» كوممەرتسيالىق ەمەس اكسيونەرلىك قوعامىنىڭ بايلانىس ورتالىعى مەملەكەتتىك ورگاندار مەن بارلىق دەڭگەيدەگى باسقارمالاردىڭ جۇمىسى بويىنشا شاعىمدار مەن ۇسىنىستار قابىلداي باستادى.

بۇل تۋرالى قازاقپارات قوردىڭ باسپا ءسوز قىزمەتىنە سىلتەمە جاساپ حابارلايدى.

ەسكە سالا كەتەيىك، بيىل 22 - ساۋىردە وتانداستار ماسەلەسى جونىندەگى ءبىرىڭعاي بايلانىس ورتالىعى ىسكە قوسىلعان بولاتىن. بايلانىس ورتالىعى وتانداستارعا مەملەكەتتىك قىزمەت كورسەتۋ، «ورالمان» مارتەبەسىن جانە قازاقستان رەسپۋبليكاسىنىڭ ازاماتتىعىن الۋ، الەۋمەتتىك تولەمدەر مەن جەڭىلدىكتەر، مەملەكەتتىك كومەك جانە تاعى باسقا ماسەلەلەر بويىنشا جەدەل كومەك بەرۋدى جۇزەگە اسىرادى.

 «بايلانىس ورتالىعى مەملەكەتتىك ورگاندار مەن بارلىق دەڭگەيدەگى باسقارمالاردىڭ جۇمىسى بويىنشا شاعىمدار مەن ۇسىنىستار قابىلداي باستادى. مەملەكەتتىك قىزمەتتەردى ساپاسىز كورسەتۋ جانە ۋاكىلەتتى تۇلعالار تاراپىنان سالعىرت قاراۋ جاعدايلارى تۋرالى دەرەۋ حابارلاۋىڭىزدى سۇرايمىز. جوعارىدا كورسەتىلگەندەي شاعىمدار مەن ۇسىنىستار ءوتىنىش كەلىپ تۇسكەن مەكەمەلەردىڭ ءبىرىنشى باسشىلارىنا، سونداي- اق وسىنداي سيپاتتاعى وتىنىشتەردى قاراۋعا جاۋاپتى ۋاكىلەتتى ورگانعا جىبەرىلەتىن بولادى»، - دەلىنگەن باسپا ءسوز بايانىندا.

ءبىرىڭعاي بايلانىس ورتالىعىنا مىنا نومىرلەر بويىنشا حابارلاسۋعا بولادى:

- 1404 (بارلىق قازاقستاندىق موبيلدى وپەراتورلارعا قوڭىراۋ شالۋ تەگىن)؛

 - 88000801404 (قازاقستان بويىنشا قالالىق نومىرلەردەن قوڭىراۋ شەلۋ تەگىن)؛

-  77172981404 + (قوڭىراۋلار قالالىق نومىرلەردەن قازاقستان بويىنشا تەگىن، شەتەلدەن شەتەلدىك بايلانىس وپەراتورلارىنىڭ ءتاريفى بويىنشا الىنادى)؛

- 77010001404  + (WathsApp جانە Telegram حابارلامالارى ءۇشىن)؛

 

 

- E-mail: [email protected]

- Skype: [email protected]