+7 (701) 759 90 19
-4 °С : نۇر-سۇلتان
-3 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

قىتايداعى جارىستا جانسايا ابدىمالىك ەكس- چەمپيوندى «التىنسىز» قالدىردى

23 مامىر 18:47
:ءبولىسۋ
قىتايداعى جارىستا جانسايا ابدىمالىك ەكس- چەمپيوندى «التىنسىز» قالدىردى

نۇر- سۇلتان. قازاقپارات - قىتايدىڭ حەنشۋە قالاسىندا شاحماتتان IMSA World Masters چەمپيوناتى اياقتالدى، دەپ حابارلايدى قازاقپارات ءتىلشىسى ق ر شاحمات فەدەراتسياسىنىڭ باسپا ءسوز قىزمەتىنە سىلتەمە جاساپ.

قازاقستان شاحماتشىلارى مۇنداي ءىرى سايىسقا ءبىرىنشى رەت شاقىرىلىپ وتىر. قازاقستان اتىنان جارىسقا چەمپيوناتتىڭ ەڭ جاسى ويىنشىسى اتانعان حالىقارالىق گروسسمەيستەر جانسايا ابدىمالىك باردى. شاحماتتىڭ راپيد پەن بليتس كەزەڭدەرى بويىنشا الەمنىڭ ەڭ ۇزدىك 16 شاحماتشىسى ءوزارا سىنعا تۇسكەن ەدى. الماتىلىق شاحماتشى الەمنىڭ بىرنەشە ەكس- چەمپيوندارىنان ايلاسىن اسىرا ءبىلدى.

«مەنىڭ قارسىلاستارىم ءار جىلدارى الەمدىك بىرىنشىلىكتە توپ جارعان شاحماتشىلار. سول سەبەپتى، ءبىر سەكۋند تا ايالداۋعا قاقىم بولعان جوق. راپيد سايىسى بويىنشا مەن 2017-2018 -جىلعى الەم چەمپيونى تان چجۋنيدى جەڭدىم. سونىمەن بىرگە، نانۋ دزاگنيدزە، يرينا كرۋش سەكىلدى مىقتى شاحماتشىلاردان دا مەرەيىم ۇستەم بولدى. بليتس كەزەڭىندە ماريا مۋزىچۋكتان 2:0 ەسەبىمەن ەسەمدى قايتاردىم. ءدال وسىنداي ەسەپپەن حامپي كونەردى جەڭدىم»، - دەيدى جانسايا ابدىمالىك.

تۋرنيردىڭ قورىتىندىسى بويىنشا، جانسايا ابدىمالىك ءوز رەيتينگىن 2414-كە كوتەردى. ول قازىرگى ۋاقىتتا شاحماتتىڭ كلاسسيكا، راپيد جانە بليتس كەزەڭدەرى بويىنشا ەلو دەڭگەيى بار بىردەن- ءبىر قازاقستاندىق شاحماتشى ەكەنىن ايتا كەتۋ كەرەك.

«جانسايا سايىس قورىتىندىسى بويىنشا راپيد پەن بليتس بويىنشا جەتىنشى ورىن الدى. ول كەرەمەت ويىن كورسەتتى. الەمنىڭ ۇزدىك شاحماتشىلارىن ۇتىپ قانا قويماي، قىتايلىق فاۆوريت لەي تينتسزىمەن تەڭ ءتۇستى. الەمنىك ەكس- چەمپيونى اننا ۋشەنينوۆا مەن الەكساندرا كوستەنيۋكپەن وتكەن پارتيانى تەڭ اياقتادى. الايدا جانسايا ءبىر پارتيا بويىنشا اتاقتى ويىنشىلاردان ايلاسىن اسىردى. ءدال جانسايادان جەڭىلۋى سەبەپتى كوستەنيۋك بۇل چەمپيوناتتا التىن مەدالىنەن ايىرىلدى»، - دەيدى قازاقستان شاحمات فەدەراتسياسىنىڭ اتقارۋشى ديرەكتورى يرينا گريشەنكو.

چەمپيوناتقا الەمنىڭ 36 ەلىنەن 170 شاحماتشى قاتىستى. IMSA World Masters Championship ەڭ العاش رەت 2008 -جىلى وتكەن ەدى. چەمپيوناتقا وسىعان دەيىن اناتوليي كارپوۆ، سەرگەي كارياكين، حيكارۋ ناكامۋرا، ليەۆون ارونيان، الەكساندر گريشۋك، حوۋ يفان، دجۋ ۆەندزۋي سەكىلدى الەمگە ايگىلى شاحماتشىلار قاتىسقان.

اۆتور: ايان بەكەن ۇلى


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات