+7 (701) 759 90 19 Лента
11 °С : استانا
17 °С : الماتى
USD 383.69 EUR 429.08
RUB 5.97 CNY 55.39
جاڭالىقتار

بەلارۋس پرەزيدەنتى قازاقستاندى مۇناي بويىنشا كەلىسسوزدەردى جانداندىرۋعا شاقىردى

24 مامىر 11:09 574
:ءبولىسۋ
بەلارۋس پرەزيدەنتى قازاقستاندى مۇناي بويىنشا كەلىسسوزدەردى جانداندىرۋعا شاقىردى

مينسك. قازاقپارات - بەلارۋس قازاقستاننان تاسىمالداناتىن مۇناي بويىنشا كەلىسسوز جۇرگىزىپ، وسى باعىتتاعى بايلانىستى جانداندىرۋعا نيەتتى.

بۇل تۋرالى بەلارۋس پرەزيدەنتى الەكساندر لۋكاشەنكو قازاقستاننىڭ بەلارۋستاعى توتەنشە جانە وكىلەتتى ەلشىسى ەرمۇحامەت ەرتىسبايەۆپەن كەزدەسۋىندە ءمالىم ەتتى، دەپ حابارلايدى قازاقپارات ءتىلشىسى بەلتا- عا سىلتەمە جاساپ.

«قازىرگى ۋاقىتتا ءبىز كومىرسۋتەك شيكىزاتىن تاسىمالداۋدىڭ ارتاراپتاندىرۋمەن اينالىسىپ جاتقانىمىزدى بىلەتىن بولارسىزدار. بىزدە بىرنەشە نۇسقا بار. بەلارۋس باسقا جەردەن دە مۇناي تاسىمالداۋ باعىتىندا كەلىسسوزدەر جۇرگىزۋ ۇستىندە. بيىل مۇناي وڭدەيتىن زاۋىتتاردى جاڭعىرتۋ جۇمىسىن اياقتايمىز. سول سەبەپتى، بىزگە الەمدىك نارىقتان مۇنايدى ساتىپ الۋ جەڭىلدەي تۇسەدى. بۇل باعىتتاعى كەلىسسوزدەردى باستاپ كەتتىك تە. ەندى بەلارۋسقا قازاقستاندىق مۇنايدى جەتكىزۋ بويىنشا كەلىسسوز جاندانسا دەيمىز. بۇل ماسەلەنى شەشە الاتىن سەكىلدىمىز. ول بەلارۋس پەن قازاقستاننىڭ عانا كەلىسسوزىمەن شەشىلمەسى انىق. ورتادا رەسەي ترانزيتى جاتىر. رەسەي - ە ە  و مۇشەسى. بىزگە جاقىن ەلمەن قازاقستان مۇنايىنىڭ بەلگىلى ءبىر بولىگىن تاسىمالداۋ باعىتىندا كەلىسىپ الاتىن سەكىلدىمىز»، - دەدى الەكساندر لۋكاشەنكو.

بەلارۋس باسشىسى قازاقستان پەن بەلارۋس اراسىنداعى ساۋدا- ەكونوميكالىق قارىم- قاتىناستا ەشقانداي ماسەلە جوقتىعىن اتاپ ءوتتى.

«بەلارۋس باعىتىنداعى ساۋدادا ديسبالانستىڭ بارى قۇپيا ەمەس. ءبىراق، قازاقستاندا بىزگە كەرەكتى تاۋارلاردىڭ ءتۇر- ءتۇرىن شىعاراتىنىن ءبىلۋىڭىز كەرەك. ماقتادان باستاپ مەتاللعا دەيىنگى قاجەتتىلىكتەردىڭ ءبارى كەرەك. ءبىز ك س ر و كەزىندەگىدەي سىزدەردەن بيداي ساتىپ الۋعا دايىنبىز. سول سەبەپتى، ساۋدا جاعىنان بالانستى رەتتەپ الۋ اسا قيىنعا سوقپايدى. ءبىزدىڭ ۇكىمەت ارالىق كوميسسياعا وسى ماسەلەمەن اينالىسۋدى تاپسىرۋ كەرەك دەگەن ويدامىن»، - دەيدى ول.

الەكساندر لۋكاشەنكونىڭ ايتۋىنشا، ەكى مەملەكەت پەن ەلدەردىڭ باسشىلارى اراسىندا قاشان دا ىزگى قارىم- قاتىناس ساقتالعان.

«ءبىز بەلارۋس پەن قازاقستان اراسىندا ايتارلىقتاي مىقتى قارىم- قاتىناس جۇيەسىن ورناتتىق. تاۋار اينالىمى جاعىنان ميللياردتىق كورسەتكىشكە قول جەتكىزدىك. الەۋەت بارشىلىق»، - دەيدى الەكساندر لۋكاشەنكو.

بەلارۋس پرەزيدەنتى ءوز سوزىندە ەكىجاقتى قارىم- قاتىناستىڭ بەكەمدەلە تۇسۋىنە «ءبىر بەلدەۋ - ءبىر جول» قىتايلىق باعدارلاماسى ىقپال ەتەتىنىن تىلگە تيەك ەتتى.

ايتا كەتەرلىگى، وتكەن جىلى ەكى ەل اراسىنداعى تاۋار اينالىمى 900 ميلليون دوللارعا جەتكەن بولاتىن. بۇل 2017 -جىلدىڭ كورسەتكىشىمەن سالىستىرعاندا 30 پايىزعا كوپ. بۇل رەتتە بەلارۋستىق ەكسپورتتىڭ مولشەرى 783 ميلليون دوللارعا جەتكەن ەدى. 2019 -جىلدىڭ العاشقى توقسانىندا ەكى ەلدىڭ اراسىنداعى ساۋدا قارىم- قاتىناسى 10 پايىزعا ازايعان بولاتىن.

بەلارۋس ءوز كەزەگىندە مۇناي ونىمدەرىن، تاس كومىردى، رەلستەر مەن ماقتا، سارىمساق يمپورتتاپ وتىر. قازىرگى ۋاقىتتا قازاقستاندا 40-قا تارتا بەلارۋس كومپانياسى جۇمىس ىستەپ تۇر.

اۋدارما: ايان بەكەن ۇلى


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات