11:48, 24 - مامىر 2019 | GMT +6
ديەگو مارادونا تۇتقىندالدى
نۇر-سۇلتان. قازاقپارات - فۋتبولدان 1986 -جىلعى الەم چەمپيونى ديەگو مارادونا ۇلكەن كولەمدەگى قارىزىنا بايلانىستى بۋەنوس- ايرەس اۋەجايىندا تۇتقىندالدى، دەپ حابارلايدى Prosports.kz.
ارگەنتينالىق ەكس- فۋتبولشى وتانىنا مەكسيكادان كەلگەن بولاتىن. ۇشاق قونعان سوڭ ونى پوليتسيا قىزمەتكەرلەرى اۋەجايدا توقتاتىپ، بىردەن تۇتقىندادى. 58 جاستاعى مارادونانىڭ بۇرىنعى كەزدەسكەن قىزى 5 ميلليون فۋنت ستەرلينگ تولەمەگەنى ءۇشىن ونى سوتقا بەرگەن.
روسيو وليۆا مەن مارادونا التى جىل كەزدەسكەن بولاتىن. وسى ىسكە قاتىستى سوت وتىرىسى 13 - ماۋسىمدا باستالادى.
ايتا كەتەيىك، ديەگو مارادونا قازىر مەكسيكالىق «دورادوس» كلۋبىن جاتتىقتىرادى.