ديماش قۇدايبەرگەن حالقىنا «ارناۋىن» تانىستىردى
«ديماش قۇدايبەرگەن! قازاقستاننىڭ ءبىرتۋما دارىن يەسى. الەم بويىنشا ميلليونداعان تىڭدارماننىڭ جۇرەگىن جاۋلاعان ديماش «ارناۋ» اتتى جاڭا شوۋ ۇسىنادى. ونىڭ داۋىسى - يمپۋلس. شابىتتاندىرادى، قۋاتتاندىرادى. كورەرمەندى ايرىقشا داۋىس دياپازونىمەن، اۋقىمدى شوۋ كۇتەدى» ، - دەلىنگەن ۆيدەوجارنامادا.
ەسكە سالا كەتسە، «ارناۋ» اتتى كونسەرتىنىڭ قاشان وتەتىنىن ءانشى وسى جىلدىڭ باسىندا جاريالاعان بولاتىن. كونسەرتتى بىرنەشە شەتەلدىك تەلەارنا كورسەتەتىن بولادى.
«شەتەلدىك تەلەارنالار مەن تەلەراديوكورپوراتسيالار ءارتۇرلى سۇراۋلار جولداپ جاتىر. استانادا وتەتىن وسىناۋ كونسەرت بىرنەشە شەتەلدىك تەلەارنا ارقىلى تارالادى. سول سەبەپتى، اۋديتوريا ۇلكەن. ۇيىمداستىرۋ جۇمىسىن كەڭ اۋقىمدا جۇرگىزگەلى وتىرمىز. ءوز ەلىندە، ءوز الاڭىندا، مىڭداعان فاناتتارىنىڭ الدىندا وتەتىن ديماشتىڭ كونسەرتىنە وراي قولداۋلارىڭىزدى سۇرايمىز» ، - دەگەن ەدى ەلوردادا وتكەن باسپا ءسوز ءماسليحاتىندا ەرلان قارين.