كەشەندى تەستىلەۋدەن ءوتۋ ءۇشىن قانداي قۇجات تاپسىرۋ كەرەك

نۇر-سۇلتان. قازاقپارات - ق ر ءبىلىم جانە عىلىم مينيسترلىگى ءبىرىڭعاي كەشەندى تەستىلەۋ ەرەجەسىن بەكىتتى.

ەرەجەگە اتالعان ۆەدومستۆونىڭ باسشىسى كۇلاش شامشيدينوۆا قول قويدى، دەپ حابارلايدى قازاقپارات ءتىلشىسى.

بۇيرىق العاش رەسمي جاريالانعان كۇنىنەن باستاپ كۇشىنە ەنەدى.

بۇل ەرەجەدە وقۋعا ءتۇسۋشى قانداي قۇجاتتار تاپسىرۋ كەرەكتىگى كورسەتىلگەن. اتاپ ايتقاندا، ءوتىنىش، ءبىلىمى تۋرالى قۇجات، 4x3 كولەمىندەگى ەكى فوتوسۋرەت، 086-ۋ فورماسىنداعى مەديتسينالىق انىقتاما، تەستىلەۋگە قاتىسۋ ءۇشىن تولەم جاسالعانى تۋرالى تۇبىرتەك ۇسىنىلادى.

جەكە كۋالىگىنىڭ كوشىرمەسىمەن بىرگە سالىستىرۋ ءۇشىن قۇجاتتىڭ ءوزى دە كورسەتىلەدى.

كەشەندى تەستىلەۋگە قاتىسۋ ءۇشىن ءوتىنىم بەرگەندەرگە قۇجاتتاردىڭ قابىلدانعانى تۋرالى قولحات تاپسىرىلادى.

بەلگىلى بولعانداي، تەستىلەۋگە قاتىسۋ ءۇشىن ءوتىنىم قابىلداۋ شارالارى 3-25- شىلدە ارالىعىندا ىسكە اسىرىلادى.