+7 (701) 759 90 19
1
USD 388.96 EUR 432.21
RUB 6.09 CNY 54.99
جاڭالىقتار

راحات جاقسىباي: ۇمىتىلا باستاعان سالت-داستۇرلەرىمىز قايتا جاڭعىرادى

23 مامىر 14:14
:ءبولىسۋ
راحات جاقسىباي: ۇمىتىلا باستاعان سالت-داستۇرلەرىمىز قايتا جاڭعىرادى

نۇر-سۇلتان. قازاقپارات - 30- مامىر مەن 2- ماۋسىم ارالىعىندا «حان-شاتىر» كەشەنى ماڭىندا نۇر-سۇلتان قالاسى اكىمدىگى مەن ق ر ۇلتتىق سپورت قاۋىمداستىعى بىرلەسىپ تۇڭعىش رەت «Nur- Sultan Ethno Fest» مەرەكەسىن وتكىزەدى، دەپ حابارلايدى قازاقپارات ءتىلشىسى.

بۇگىن قازاقپارات تىلشىسىنە اتالمىش شارا تۋرالى ق ر ۇلتتىق سپورت قاۋىمداستىعىنىڭ اتقارۋشى ديرەكتورى راحات جاقسىباي ايتىپ بەردى.

- «Nur- Sultan Ethno Fest» مەرەكەسىن وتكىزۋگە نە تۇرتكى بولدى، قىسقاشا توقتالىپ وتسەڭىز؟

- تۇڭعىش رەت «Nur- Sultan Ethno Fest» مەرەكەسىن وتكىزۋدەگى باستى ماقساتىمىز اتالمىش ءىس-شارا اياسىندا ۇمىتىلا باستاعان سالت-داستۇرلەرىمىز قايتا جاڭعىرىپ، ءار ءتۇرلى ۇلتتىق ويىندارىمىزدى ناسيحاتتاۋ بولدى.

- ۇمىتىلا باستاعان سالت-داستۇرلەرىمىزگە بايلانىستى ناقتىلى قانداي شارالار ۇيىمداستىرىلادى؟

- ۇلتىمىزدىڭ، ياعني قازاق حالقىنىڭ ۇمىتىلا باستاعان داستۇرلەرى وتە كوپ. مىسالعا الىپ ايتار بولساق، قامشىگەرلىك، تەزگە سالۋ، قولقا سالۋ، تىعىرىققا تىرەۋ، ارقان ءورۋ، قامشى ءورۋ، شاڭىراق كوتەرۋ سەكىلدى ۇلتتىق سالت-داستۇرلەردى بۇگىنگى ۇرپاقتىڭ ءبىرى بىلسە، ءبىرى بىلە بەرمەيدى. ءبىز وسى ماقساتتا مەرەكە قارساڭىندا جۇرتشىلىق نازارىنا ول داستۇرلەردىڭ نە ەكەنىن ۇسىنىپ، ولاردىڭ شىعۋ تاريحى مەن ءمان-ماعىنالارىن اشىپ كورسەتۋگە كۇش سالاتىن بولامىز.

- وسى مەرەكە اياسىندا ەلوردا تۇرعىندارى مەن قوناقتارىن تاعى قانداي مادەني شارالار كۇتىپ تۇر؟

- ەلوردا تۇرعىندارى مەن قوناقتارى مەرەكە اياسىندا ەتنو مادەني-سپورتتىق شارالاردى، بالالاردىڭ بىرەگەي ەتنو-اتتراكتسيوندارى مەن كونسەرتتەردى تاماشالاي الادى. سونىمەن قاتار، قولونەر بۇيىمدارى، ۇلتتىق اسپاپتار كورمەسى، كىتاپتار كورمەسى، تاريحي جانە ەتنيكالىق جادىگەرلەر، ەتنوبازار، سپورتتىق اتتار مەن قۇستاردىڭ كورمەلەرى دە جۇمىس ىستەيدى. اقىندار ايتىسىن ۇيىمداستىرىپ، كۇي سايىسىمەن كورەرمەندەر قۋانىشىن ەسەلەي تۇسسەك دەگەن جوسپارىمىز بار.

- وسى فەستيۆال اياسىندا «التىن جەبە» 1- الەم چەمپيوناتى وتەتىنىن جاقسى بىلەمىز. ەلىمىزگە قانداي مەرگەندەر كەلە جاتىر؟

- وسى فەستيۆالدىڭ باستى دوداسى ءوزىڭىز ايتىپ وتىرعان «التىن جەبە» 1- الەم چەمپيوناتى ەكەنى داۋسىز. بۇل باسەكەگە الەمنىڭ ەڭ ۇزدىك مەرگەندەرى كەلىپ، ناعىز مىقتىنى انىقتايتىن بولادى. بۇلاردان بولەك، 1- ماۋسىم - حالىقارالىق بالالاردى قورعاۋ كۇنى مەرەكەسى دە ۇمىت قالمايدى. ەڭ باستىسى 30- مامىر مەن 2- ماۋسىم ارالىعىندا «حان-شاتىر» كەشەنى ماڭىنان تابىلىپ، قىزىقتى بىرگە بولىسىڭىزدەر. «Nur- Sultan Ethno Fest» مەرەكەسىنىڭ سالتاناتتى اشىلۋ ءراسىمى 1- ماۋسىم، ساعات 19:00 دە باستالادى.

- اڭگىمەڭىزگە راحمەت!

اۆتور: كۇنسۇلتان وتارباي


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات