كاسىبي جۋرناليستيكاعا سەنىم بارلىق ۋاقىتتا جوعارى بولادى - داۋرەن ابايەۆ
الماتىدا ءوتىپ جاتقان XVI ەۋرازيالىق مەديا فورۋمعا قاتىسقان مينيستر شارا بارىسىندا ب ا ق- قا، كاسىبي جۋرناليستيكا مەن الەۋمەتتىك جەلىگە قاتىستى ەكى قىزىقتى سۇراق بولعانىن اتاپ ءوتتى.
«مەن مىناداي ەكى ماڭىزدى دۇنيەنى بولە-جارا ايتار ەدىم: بەدەل جانە سەنىم. كاسىبي جۋرناليستيكاعا سەنىم بارلىق ۋاقىتتا جوعارى بولادى. ويتكەنى، الەۋمەتتىك جەلىگە قاراعاندا جۋرناليستىڭ ماتەريالى جاريالانباستان بۇرىن بارلىق ۋاقىتتا دا بەلگىلى ءبىر تەكسەرۋدەن وتەدى. بولاشاقتا وسىعان اينالىپ كەلەتىندىگىمىزگە سەنىمدىمىن جانە جۋرناليستيكا سوڭعى اقپارات كوزى بولادى. ەڭ دۇرىس اقپارات كوزىنە اينالادى»، - دەدى داۋرەن ابايەۆ.
مينيستر تەك قازاقستاندىق قانا ەمەس سونىمەن بىرگە بۇكىل الەمدەگى بارلىق بۇقارالىق اقپارات قۇرالدارىنا ءتان كەمشىلىكتەردىڭ بار ەكەندىگىن اتاپ ءوتتى.
«قازاقستاندىق جۋرناليستيكانىڭ كاسىبيلىك دەڭگەيى قازىردىڭ وزىندە جالپى الەمدىك دەڭگەيگە جەتكەندىگىن اتاپ وتكىم كەلەدى»، - دەدى ول.
بۇعان دەيىن قازاقستان پرەزيدەنتى قاسىم-جومارت توقايەۆتىڭ XVI ەۋرازيالىق مەديا فورۋم قاتىسۋشىلارىنا قۇتتىقتاۋ جولداعانىن حابارلاعان ەدىك.