نۇر-سۇلتاندا جاھاندىق قارجىلىق مەديا حابى قۇرىلادى

نۇر-سۇلتان. قازاقپارات - «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ نۇر-سۇلتان قالاسىندا ىسكەرلىك مەديا حابىن قۇرۋ جوسپارىمەن ءبولىستى، دەپ حابارلايدى قازاقپارات ءتىلشىسى.

«ەۋرازيالىق مەديا فورۋم - بۇل مەديا پروبلەمالارىن تالقىلاۋعا ارنالعان قاراپايىم تۇعىرناماعا قاراعانا ءمانى جوعارى شارا. بۇگىندە وندا ەكونوميكالىق، قارجىلىق، ساياسي، گەوەكونوميكالىق ماسەلەلەر تالقىلانادى. سوندىقتان ا ح ق و ءۇشىن بۇل فورۋمنىڭ جۇمىسىنا قاتىسۋ وتە ماڭىزدى» ، - ەدى قايرات كەلىمبەتوۆ الماتىدا ءوتىپ جاتقان XVI ەۋرازيالىق مەديا فورۋم اياسىندا بەرگەن سۇحباتىندا.

ونىڭ اتاپ وتۋىنشە، ا ح ق و- نىڭ بۇل فورۋمدا ءوزىنىڭ جەتىستىكتەرى مەن جۇمىس جوسپارلارىن بولىسۋىنە تاماشا مۇمكىنشىلىك بار.

«جالپى، ءبىز مەملەكەتتىك ورگاندارمەن، ونىڭ ىشىندە اقپارات جانە قوعامدىق دامۋ مينيسترلىگىمەن نۇر-سۇلتان قالاسىندا جاھاندىق قارجىلىق مەديا حابىن قۇرۋ مۇمكىنشىلىگى تۇجىرىمداماسىن قاراستىرىپ جاتىرمىز. قازىردىڭ وزىندە Bloomberg, CNN، Reuters سىندى كومپانيالارمەن قاتار ەۋروپا ەلدەرىنىڭ، قىتايدىڭ ىسكەرلىك مەدياسى بار»، - دەدى ول.

قايرات كەلىمبەتوۆ قازىرگى ۋاقىتتا «استانا» حالىقارالىق قارجى ورتالىعى جاھاندىق جانە وتاندىق بۇقارالىق اقپارات قۇرالدارىمەن ورتالىق تۋرالى اقپاراتتاردى تاراتۋ ماقساتىندا جۇمىس ىستەپ جاتقاندىعىن ايتتى.

بۇعان دەيىن قازاقستان پرەزيدەنتى قاسىم-جومارت توقايەۆتىڭ XVI ەۋرازيالىق مەديا فورۋم قاتىسۋشىلارىنا قۇتتىقتاۋ جولداعانىن حابارلاعان ەدىك.