+7 (701) 759 90 19
3 °С : نۇر-سۇلتان
11 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

جەتىسۋدىڭ بۇلبۇلى اتانعان دانەش راقىشەۆتىڭ ەسىمى ونەر مەكتەبىنە بەرىلدى

23 مامىر 12:13
:ءبولىسۋ
جەتىسۋدىڭ بۇلبۇلى اتانعان دانەش راقىشەۆتىڭ ەسىمى ونەر مەكتەبىنە بەرىلدى

جاركەنت. قازاقپارات - الماتى وبلىسى پانفيلوۆ اۋدانىنىڭ ورتالىعى - جاركەنت قالاسىنداعى ونەر مەكتەبىنە قازاقستاننىڭ حالىق ءارتىسى دانەش راقىشەۆتىڭ ەسىمى بەرىلدى.

سالتاناتتى شارادا پانفيلوۆ اۋدانىنىڭ اكىمى تەمىرلان بەكتاسوۆ كوپشىلىككە قۇتتىقتاۋ تىلەگىن جولداپ، ونەر مەكتەبى قابىرعاسىنداعى دانەش راقىشەۆتىڭ ەسىمى جازىلعان تاقتايشانى سالتاناتتى تۇردە اشتى.

بۇدان سوڭ ق ر مەملەكەتتىك سىيلىعىنىڭ يەگەرى، حالىقارالىق «الاش» سىيلىعىنىڭ لاۋرەاتى، جازۋشى، تاريحشى، بەكسۇلتان نۇرجەكە ۇلى ءسوز الىپ، دانەش راقىشەۆتىڭ ءومىر جولدارىنان قۇندى ەستەلىكتەرىمەن ءبولىستى.

سالتاناتتى شارا جاركەنتتەگى مادەنيەت ۇيىندە «ۇلى دالانىڭ جەتى قىرى: تۋعان جەر. ولكە تانۋ. تاريح. مادەنيەت» اتتى وبلىستىق عىلىمي- تاجىريبەلىك كونفەرەنسياعا ۇلاستى. كونفەرەنتسيانىڭ ماقساتى - جاھاندانۋ داۋىرىندە ۇلتتىق مادەنيەتتىڭ جەتىستىكتەرىن جوعالتپاۋ، سونىمەن قاتار، ۇلتتىق مادەنيەتتى دامىتۋ جانە ونى ناسيحاتتاۋ، تۋعان ولكەنىڭ تاريحىنا ءۇڭىلۋ، قۇندى دەرەكتەر مەن ماتەريالداردى جيناقتاپ جۇيەلەۋ. وندا قاتىسۋشىلار تۋعان ولكە تاريحىن تانۋ، تاريحي جادىگەرلەردى ساقتاۋ، كەلەشەك ۇرپاققا جەتكىزۋ جولدارىن قاراستىرۋ سەكىلدى وزەكتى ماسەلەلەردى كوتەردى. جاركەنت قالاسىنان تاريح جانە ولكەتانۋ مۇراجايىن اشۋ تۋرالى ۇسىنىستار ايتىلدى.

ەلباسىنىڭ رۋحاني جاڭعىرۋ باعدارلاماسى اياسىندا وتكىزىلگەن كونفەرەنسيادا اۋداننىڭ تاريحى مەن تۇلعالارى عۇمىرىنان سىر شەرتىلىپ، بايانداماشىلار قۇندى اقپاراتتارىمەن ءبولىستى.

ايتا كەتەيىك، كوزى تىرىسىندە-اق «جەتىسۋدىڭ بۇلبۇلى» اتانعان قازاقستاننىڭ حالىق ءارتىسى دانەش راقىشەۆتىڭ «شاتتىق تولقىنى»، «جاس قايرات»، «جەر سۇلۋى جەتىسۋ»، «ساياسىندا المانىڭ»، «جەڭەشە» سەكىلدى اندەرى كوپشىلىككە تانىمال.


باستى سوزدەر: مادةنيةت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات