قاتاڭ رەجىمدەگى ارقالىق تۇرمەسىنە ءبىرىنشى رەت ايەل ادام ءتۇستى
ارقالىق تۇرمەسىندە اۋىر جانە اسا اۋىر قىلمىستارى ءۇشىن سوتتالعاندار جازاسىن وتەپ جاتىر. قوستاناي وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ باسپا ءسوز قىزمەتى حابارلاعانداي، مۇندا ءبىرىنشى رەت ايەل ادام ءتۇسىپ وتىر.
«1993 -جىلى تۋعان بويجەتكەن بۇعان دەيىن الماتى وبلىسىنىڭ لا-155/4 مەكەمەسىندە جازاسىن وتەپ كەلگەن. كەيىن ارقالىق تۇرمەسىنە جىبەرىلدى. بۇل قاتاڭ رەجىمدەگى تۇرمەنىڭ تاريحىنداعى ءبىرىنشى جاعداي. سوتتالعان قىز ق ر ق ا ك 96-بابى بويىنشا جازانى وتەۋدىڭ بەلگىلەنگەن ءتارتىبىن جۇيەلى تۇردە بۇزعانى ءۇشىن سوت قاۋلىسى نەگىزىندە تولىق قاۋىپسىزدىك مەكەمەسىنە كەلدى»، - دەلىنگەن ۆەدومستۆونىڭ باسپا ءسوز حابارلاماسىندا.
قىلمىستىق-اتقارۋ جۇيەسى دەپارتامەنتىنىڭ باسپا ءسوز قىزمەتى ونىڭ قاساقانا كىسى ولتىرگەنى ءۇشىن اباقتىعا جابىلعانىن ايتتى.