+7 (701) 759 90 19
-25 °С : نۇر-سۇلتان
-6 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

حالىقارالىق بوكس قاۋىمداستى حالىقارالىق وليمپيادا كوميتەتىنىڭ مۇشەلىگىنەن شىعارىلدى

23 مامىر 11:43
:ءبولىسۋ
حالىقارالىق بوكس قاۋىمداستى حالىقارالىق وليمپيادا كوميتەتىنىڭ مۇشەلىگىنەن شىعارىلدى

نۇر-سۇلتان. قازاقپارات - حالىقارالىق بوكس قاۋىمداستىعىن (АІВА) حالىقارالىق وليمپيادا كوميتەتىنىڭ مۇشەلىگىنەن شىعارىپ جىبەردى، دەپ حابارلايدى olympic.kz ح و ك باسپا ءسوز قىزمەتىنە سىلتەمە جاساپ.

بۇل شەشىم حالىقارالىق وليمپيادا كوميتەتىنىڭ (ح و ك) مۇشەسى نەناد لالوۆيچ باسقارعان ارنايى تەرگەۋ كوميسسياسىنىڭ ۇسىنىم بويىنشا قابىلداندى. تەكسەرۋ كوميسسياسى قۇرامىنا ح و ك مۇشەسى ريچارد ل. كارريون جانە سپورتشىلار كوميسسياسىنىڭ جەتەكشىسى ەمما تەرحو ەنگەن.

ح و ك اتقارۋشى كوميتەتى АІВА - داعى قارجى، باسقارۋ، ەتيكا جانە تورەشىلىك سۇراقتارىن شەشۋ ماقساتىمەن 2018-جىلدىڭ 30- قاراشاسىندا ارنايى كوميسسيا قۇرعان بولاتىن. ۇيىمداعى شەشىمىن تاپپاعان ماسەلەلەر 2017-جىلى انىقتالىپ، بۇگىنگە دەيىن قاتال تۇردە باقىلاندى. ءبىراق اتالعان سۇراقتاردى ويداعىداي شەشۋ ماسەلەسى بايقالعان جوق.

ح و ك اتقارۋشى كوميتەتى ماسەلەنى ەگجەي-تەگجەيلى تەكسەرە كەلە، بوكستى 2020-جىلعى توكيو وليمپياداسىنىڭ سپورتتىق باعدارلاماسىندا قالدىرۋدى ءجون دەپ شەشتى. توكيوداعى بوكس باسەكەسى مەن بارلىق ىرىكتەۋ سىندارى ح و ك بەكىتكەن نەگىزگى قاعيدالار اياسىندا ءوتۋى ءتيىس.

ەگەر جوعارىدا اتالعان شەشىم 2019-جىلدىڭ ماۋسىمىندا وتەتىن ح و ك سەسسياسىندا ماقۇلدانسا، 2020-جىلعى توكيو وليمپياداسىندا بوكستان 286 سپورتشى باق سىنايدى. 8 ەرلەر جانە 5 ايەلدەر سالماعىندا جارىس وتكىزىلىپ، جەڭىمپازدار انىقتالادى.

سونداي-اق، اتقارۋشى كوميتەت ح و ك مۇشەسى جانە حالىقارالىق گيمناستيكا فەدەراتسياسىنىڭ پرەزيدەنتى موريناري ۆاتانابەنىڭ باسشىلىعىمەن ماقساتتى توپ قۇردى. ونىڭ قۇزىرەتى تومەندەگىدەي:

1. سپورتتىڭ بارلىق سالاسىنداعى گەندەرلىك تەڭدىكتى كوتەرۋ ماقساتىندا بوكستان كەلەسى جارىستاردى وتكىزۋ:

ا. 2020-جىلدىڭ قاڭتارى مەن مامىرى ارالىعىندا وتەتىن بوكستان 2020-جىلعى توكيو وليمپياداسىنا ىرىكتەۋ جارىستارى؛

ب. توكيو وليمپياداسىنداعى بوكس تۋرنيرى

2. 2019-جىلعى ماۋسىم ايىنىڭ سوڭىنا دەيىن توكيو وليمپياداسىنا ىرىكتەۋ جۇيەسىن ازىرلەۋ:

ا. ەرلەر مەن ايەلدەر اراسىنداعى سالماق دارەجەلەرىن انىقتاۋ؛

ب. گەندەرلىك تەڭدىكتى كوتەرۋ ماقساتىندا بوكس باسەكەسىنە كۆوتا تاراتۋ؛

ۆ. ىرىكتەۋ سىندارىنا كۆوتا تاراتۋ تالاپتارىن ورناتۋ.

ح و ك 2020-جىلدىڭ قاڭتارى مەن مامىرى ارالىعىندا وتەتىن وليمپياداعا ىرىكتەۋ تۋرنيرىنە ارنالعان جاڭا كۇنتىزبە ازىرلەيدى.

ال АІВА - نى ح و ك مۇشەلىگىنە قايتارۋ ماسەلەسى 2020-جىلعى توكيو وليمپياداسىنان كەيىن قايتا قارالادى.

«بۇگىنگى ماسەلە سپورتشىلار مەن جالپى بوكستىڭ كەلەشەگى ءۇشىن قابىلدادى. ءبىز سپورتشىلاردىڭ ارمانىنا بالتا شاپپاي، ولاردىڭ 2020-جىلعى وليمپيادا ويىندارىندا ونەر كورسەتكەنىن قالايمىز. الايدا، АІВА تەرگەۋ كوميتەتىنىڭ شەشىمىنەن كەيىنگى سالدار تۋرالى ويلانۋ قاجەت»، - دەدى ح و ك پرەزيدەنتى توماس باح.


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات