ەشكىمنەن جەڭىلمەگەن ماديار اشكەيەۆ ا ق ش- تاعى جەكپە-جەك الدىندا سالماعىن ولشەدى

نۇر-سۇلتان. قازاقپارات - ەرتەڭ تاڭەرتەڭ امەريكانىڭ اريزونا شتاتىنداعى تۋسون قالاسىندا بوكسشىلار شوۋى وتەدى.

وعان ەش جەڭىلىپ كورمەگەن قازاقستاندىق ماديار اشكەيەۆ (11-0، 6 ك و) قاتىسادى، دەپ حابارلايدى Sports.kz.

ونىڭ قارسىلاسى امەريكالىق بوكسشى سەسيل ماككاللا (21-3، 8 ك و). بوكسشىلار ءبىرىنشى ورتا سالماقتا Junior NABF چەمپيون تيتۋلىنا تالاسادى. جەكپە-جەك 10 راۋندتقا ەسەپتەلگەن.

ايقاس الدىندا سالماق ولشەۋ ءراسىمى بولدى. ونىڭ قورىتىندىسى بويىنشا اشكەيەۆتىڭ سالماعى 153,8 فۋنت، ال قارسىلاسىنىڭ سالماعى 153,2 فۋنتتى كورسەتتى. سالماق ولشەۋگە وسى شارانىڭ پروموۋتەرى كىشى روي دجونستىڭ كومپانياسى دا قاتىستى.