لاتىنعا نەگىزدەلگەن وزبەك ءالىپبيىنىڭ جاڭارعان نۇسقاسى تانىستىرىلدى

 نۇر-سۇلتان. قازاقپارات - الىشەر ناۋاي اتىنداعى تاشكەنت مەملەكەتتىك ۋنيۆەرسيتەتى جانىنداعى جۇمىس توبى وزبەك ءالىپبيىنىڭ جاڭارعان نۇسقاسىن تانىستىردى.

ءدال وسى توپ لاتىن الىپبيىنە نەگىزدەلگەن وزبەك ءالفاۆيتىن جەتىلدىرۋمەن اينالىسادى.

جاڭارعان جوبادا تومەندەگىدەي وزگەرىستەر بار:

كيريلليتساداعى «ц» دىبىسىن بەلگىلەۋ ءۇشىن عالىمدار جاڭا الفاۆيت جوباسىنا «с» ءارپىن قايتارۋدى ۇسىنادى؛

كيريلليتساداعى «ш» جانە «ч» دىبىستارىن بەلگىلەۋ ءۇشىن عالىمدار sh جانە сh سياقتى ديگرافتاردان باس تارتىپ، ولاردى Çç جانە Şş تاڭبالارىمەن بەلگىلەدى ۇسىنادى؛

قازاقشا كيريلليتساداعى «ۇ» جانە «ع» دىبىستارىنا ۇقساس «oʻ» جانە «gʻ» بەلگىلەۋ ءۇشىن Óó جانە Ǵǵ تاڭبالارى قولدانىلماق؛

كيريلليتساداعى ««ايىرۋ بەلگىسىن بەلگىلەۋ ءۇشىن اپوستروفتى قالدىرۋدى ۇسىنادى.

Gazeta.uz حابارلاۋىنشا، 1995 -جىلى وزبەكستان دياكرەتيكالىق تاڭبالارى بار ارىپتەردى الفاۆيتتەن الىپ تاستاپ، ولاردى ديگرافتارمەن الماستىرعان. ءبىراق قازىر عالىمدار ولاردان باس تارتىپ وتىر. سوڭعى وزگەرىستەردى تۇسىندىرگەن لينگۆيستەردىڭ ايتۋىنشا، مىسالى، «oʻ» نەمەسە «gʻ» دىبىسىن اپوستروفپەن جازعان كەزدە قولدانۋشىلار كەيدە التى كومپيۋتەر پەرنەسىن باسۋعا ءماجبۇر بولادى.

عالىمدار 1993 -جىلى وزبەك الىپبيىنە سۋاحيلي جانە تۇرىك ءتىلىنىڭ ۇلگىلەرى بويىنشا وزگەرىستەر ەنگەنىن، ءبىراق «بۇل تىلدەردىڭ وزبەك الىپبيىنەن ەرەكشەلىكتەرى بار ەكەنىن» ايتادى.