+7 (701) 759 90 19
1 °С : نۇر-سۇلتان
7 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

قىزىلوردادا شەتەلدىك ۋنيۆەرسيتەتتەرگە تۇسۋگە دايىندايتىن ورتالىق اشىلادى

23 مامىر 08:42
:ءبولىسۋ
قىزىلوردادا شەتەلدىك ۋنيۆەرسيتەتتەرگە تۇسۋگە دايىندايتىن ورتالىق اشىلادى

نۇر-سۇلتان. قازاقپارات - بيىل قىزىلوردادا نازاربايەۆ زياتكەرلىك مەكتەبىنىڭ بازاسىندا الەمنىڭ ۇزدىك جوعارى وقۋ ورىندارىنا تۇسۋگە دايىندايتىن ورتالىق اشۋ جوسپارلانۋدا.

بۇل تۋرالى وبلىس اكىمى قىرىمبەك كوشەربايەۆ دارىندى تۇلەكتەرمەن كەزدەسۋ بارىسىندا مالىمدەدى، دەپ حابارلايدى وڭىرلىك اكىمدىكتىڭ باسپا ءسوز قىزمەتى.

كەزدەسۋگە رەسپۋبليكالىق جانە حالىقارالىق بايقاۋلاردىڭ، وليمپيادالاردىڭ 55 قاتىسۋشىسى شاقىرىلدى، ولار بيىل 58 جۇلدەلى ورىنعا يە بولدى - 15 التىن، 13 كۇمىس جانە 30 قولا مەدال.

ق. كوشەربايەۆ تالاپتى جاستارمەن ايماقتىڭ دامۋى تۋرالى سۇحباتتاسىپ، بالالاردىڭ سۇراقتارىنا جاۋاپ بەردى.

«ەكىنشى جىل قاتارىنان ءبىزدىڭ مەكتەپ تۇلەكتەرىنىڭ %97 جوعارى وقۋ ورىندارى مەن كوللەدجدەرگە تۇسەدى. ەندى ءبىز كەم دەگەندە وبلىستىق مەكتەپ بىتىرۋشىلەرىنىڭ %50 جوعارى وقۋ ورىندارىنا، ونىڭ ىشىندە قازاقستانداعى وقۋ ورىندارى عانا ەمەس، شەتەلدىك ۋنيۆەرسيتەتتەرگە دە وقۋعا ءتۇسۋىن كوزدەپ وتىرمىز. ءبىزدىڭ ەندىگى ماقساتىمىز - ايماق جاستارىنىڭ گارۆارد، يەل جانە ماسساچۋسەتس ۋنيۆەرسيتەتتەرىندە ءبىلىم الۋىنا جاعداي جاساۋ. سونداي-اق، تالانتتى جاستارعا كاسىپكەرلىك، ديزاين، كوممۋنيكاتسيا سياقتى سالالاردا جاڭا تەحنولوگيالاردى ەنگىزەتىن جانە قولداناتىن رەسەيدىڭ «كۆانتوريۋم»، «سيريۋس» سەكىلدى ءىرى ورتالىقتاردىڭ تاجىريبەسىن مەڭگەرتۋ»، - دەدى ايماق باسشىسى.

وسى ماقساتتا قىزىلوردالىق وقۋشىلاردى «بولاشاق» باعدارلاماسىنىڭ تۇلەكتەرى قۇرعان ەلوردالىق «Astana Garden School» جەكە مەنشىك مەكتەبىندە وقىتۋدى ۇيىمداستىرۋ جانە نازاربايەۆ زياتكەرلىك مەكتەبىنىڭ بازاسىندا وقۋشىلاردى شەت مەملەكەتتەگى ىرگەلى ۋنيۆەرسيتەتتەرگە تۇسۋگە دايىندايتىن ارنايى ورتالىق اشۋ جوسپارلانۋدا. بۇل تاجىريبە 2016-جىلدان باستاپ ەلوردادا جۇزەگە اسىرىلۋدا.

ءتۇرلى باعىتتاعى جەتىستىكتەرى ءۇشىن دارىندى تۇلەكتەرگە «سىر دارىنى» مەدالدارى، وبلىس اكىمىنىڭ العىس حاتتارى مەن سىيلىقتار تابىستالدى.

ەستەرىڭىزگە سالا كەتەيىك، 2014-جىلدان باستاپ رەسەيدىڭ جەتەكشى ينجەنەرلىك ج و و- نا ر ف ۇكىمەتىنىڭ گرانتى ەسەبىنەن سىربويىلىق 500 گە جۋىق تۇلەك وقۋعا قابىلداندى. العاشقى 32 تۇلەك وقۋىن اياقتاپ، 2018-جىلى ەلگە ورالدى. ولار قازىرگى تاڭدا ايماق كاسىپورىندارىندا جۇمىس ىستەپ جاتىر. ال 42 تۇلەك وقۋىن ماگيستراتۋرادا جالعاستىردى. بيىل تاعى 123 تۇلەك وقۋىن ءتامامدايدى دەپ كۇتىلۋدە. 2018-جىلى ماسكەۋ جانە سانكت-پەتەربۋرگتىڭ جوعارى وقۋ ورىندارىنا 58 قىزىلوردالىق جاس وقۋعا ءتۇستى.

بيىل 5754 تۇلەكتىڭ 4143 ۇ ب ت تاپسىرادى. ونىڭ ىشىندە 412 تۇلەك - «التىن بەلگىگە»، 270 وقۋشى - ەرەكشە اتتەستاتقا ۇمىتكەر.


باستى سوزدەر: قوعام, ءبىلىم جانە عىلىم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات