فۋتبولدان قازاقستان كۋبوگى: «توبىل» «قايساردى» ءتورت جىلدان كەيىن جەڭدى
بۇدان بۇرىن جارتىلاي فينالداعى ءبىرىنشى ويىننىڭ العاشقى كەزدەسۋى مارەسىنە جەتكەنىن حابارلاعان ەدىك. شىمكەنتتە جەرگىلىكتى «ورداباسى» مەن «اتىراۋ» كوماندالارى 1:1 ەسەبىمەن تەڭ ءتۇستى. ودان كەيىنگى ويىن قوستانايدا «توبىل» مەن قىزىلوردانىڭ «قايسارى» اراسىندا جالعاستى.
قازاقستان كۋبوگىندە «توبىل» الدىمەن 1/8 فينالدا سىرت الاڭدا پاۆلودار وبلىسىنىڭ «اقسۋ» كلۋبىن 3:0 ەسەبىمەن تىزە بۇكتىرىپ، ودان كەيىن الماتىنىڭ «قايراتىن» 5:1 ەسەبىمەن ورتا جولدا قالدىردى. «توبىل» قازاقستان كۋبوگىنە 2007-جىلى قول جەتكىزگەن ەدى. سول جىلى فينالدا شىمكەنتتىڭ «ورداباسى» كومانداسىنان 3:0 ەسەبىمەن باسىم ءتۇستى. سونداي-اق، قوستانايلىق كلۋب 2003 جانە 2011-جىلدارى فينالعا دەيىن جەتتى. ال 2001 جانە 2008-جىلداردا جارتىلاي فينالدا سىنعا ءتۇستى.
قىزىلوردانىڭ «قايسارى» سىرت الاڭدا 1/8 فينالدا «وڭتۇستىك اكادەمياسىن»، شيرەك فينالدا پاۆلوداردىڭ «ەرتىسىن» 2:1 ەسەبىمەن جەڭىپ كەتتى. «قايسار» كومانداسى 1999-جىلى كۋبوكقا يە بولىپ، ول جولى وسكەمەننىڭ «ۆوستوگىنان» 2:1 ەسەبىمەن باسىم ءتۇستى.1998-جىلى فينالعا دەيىن جەتسە، 2007-جىلى جارتىلاي فينالدا باق سىنادى.
ايتا كەتەرلىگى، «توبىل» «قايساردى» سوڭعى ءتورت جىلدان بەرى قازاقستان بىرىنشىلىگىندە جەڭە الماي كەلە جاتقان ەدى. سوڭعى رەت «توبىل» «قايساردى» قىزىلوردادا 2015-جىلدىڭ 13 قىركۇيەگىندە 2:1 ەسەبىمەن جەڭىپ كەتكەن ەدى. سونداي- اق، بيىل قوستانايلىق كلۋب 12-مامىردا وتكەن ەل بىرىنشىلىگىنىڭ 10-تۋرىندا 1:5 ەسەبىمەن ويسىراي جەڭىلگەنى بەلگىلى.
بۇگىنگى كەزدەسۋدە «توبىل» سول ولقىلىقتاردىڭ ورنىن تولتىرۋعا تىرىستى. ولار شابۋىل شەبىندە كوبىرەك بوي كورسەتتى. اسىرەسە، ەكىنشى كەزەڭدە بەلسەندىلگى ايقىن اڭعارىلدى. ناتيجەسىندە 74-مينۋتتا ماكسيم فەدين ءوز كومانداسىن العا شىعاردى. كەزدەسۋدە «توبىل» 1:0 ەسەبىمەن جەڭىسكە جەتتى. قارىمتا كەزدەسۋ 19- ماۋسىمدا قىزىلوردادا وتەدى. جەڭىمپاز ەكى كەزدەسۋدىڭ ناتيجەسى بويىنشا انىقتالادى.
ەكىنشى اينالىم ويىندارى 26-مامىردا باستالادى. بۇل كۇنى «جەتىسۋ» مەن «قايسار»، «اقتوبە» مەن «ورداباسى»، «ەرتىس» پەن «اتىراۋ»، «وقجەتپەس» پەن «استانا»، «تاراز» بەن «توبىل»، «شاحتەر» مەن «قايرات» كوماندالارى كەزدەسەدى.