بەتتەگى اجىمگە قارسى كرەمدى قالاي قولدانۋ كەرەك؟
ونى پروتەيندى قوسپا رەتىندە سۋسابىندارعا قوسادى، تىرناقتىڭ بەرىكتىگى ءۇشىن دە جەلاتيندى كەرەكتەنىپ جاتادى.
ال ەڭ باستىسى، جەلاتيندى اجىمدەردىڭ الدىن الۋ ءۇشىن پايدالانادى. ول - بەت تەرىسى ءۇشىن تاپتىرماس كوسمەتيكا. جەلاتين ۇساق اجىمدەردەى جازىپ، تەرىنى جۇمسارتادى جانە اعارتادى. سونىمەن قاتار قان اينالىمىن جاقسارتادى.
اجىمگە قارسى جەلاتيندى كرەم
1 تولى شاي قاسىق جەلاتيندى 0,5 ستاكان سۋمەن ارالاستىرىڭىز. وعان 3 اس قاسىق بال، 0,5 ستاكان گليتسەرين مەن 1 گ (پىشاقتىڭ ۇشىمەن عانا) ساليتسيل قىشقىلىن قوسىڭىز. قوسپا دايىنداپ جاتقان ىدىسىڭىزدى ىستىق سۋعا سالىپ، قوسپاڭىز تەگىس بىركەلكى بولعانشا ارالاستىرىڭىز.
ودان كەيىن ىدىستى سۋدان الىپ، قوسپانى ارالاستىرا وتىرىپ سۋىتىڭىز. دايىن بولعان كرەمدى كۇندەلىكتى ۇيىقتاردان 2 ساعات بۇرىن جاعىڭىز. 20 مينۋتتان كەيىن كرەمنىڭ تەرىگە سىڭبەگەن بولىگىن ءسۇرتىپ تاستاڭىز.
ءبىر دايىنداعان كرەم شامامەن 1-ايعا جەتۋى كەرەك. ال ونى قاقپاعى جابىلاتىن ىدىسقا سالىپ، توڭازىتقىشتىڭ ۇستىڭگى سقرەسىندە ساقتاڭىز. بەتكە جاعار الدىندا قاجەتتى مولشەردە عانا الىپ، جىلىتىپ جاعىڭىز.
جەلاتيننەن جاسالعان ماسكالار قايتا قالپىنا كەلتىرەتىن كۇشتى قۇرامعا يە. ول قان اينالىمىن رەتتەپ، بەت تەرىسىنىڭ ءتۇسىن جاقسارتادى، تەرىنى تارتاتىن ەففەكتكە يە، تەرىنى جۇمسارتىپ، اجىمدەردى جانە پيگمەنتتى داقتاردى جوعالتادى.
تەرىنى جاسارتاتىن جەلاتين ماسكاسى2 اس قاسىق قايناتىلعان سالقىن سۋعا 1 شاي قاسىق جەلاتين سالىپ، كوتەرىلگەنشە (40-60 مينۋت) قويا تۇرىڭىز. ودان كەيىن وعان 2 شاي قاسىق بانان ەزبەسىن قوسىڭىز، ارالاستىرىپ، بەتىڭىزگە جاعىڭىز.
ماسكانى 20 مينۋتتان كەيىن جىلى سۋمەن جۋىپ تاستاڭىز.
اجىمگە قارسى جەلاتين ماسكاسى4 اس قاسىق گليتسەرين، 2 شاي قاسىق بال، 2 شاي قاسىق جەلاتين مەن 4 اس قاسىق سۋدى قوسىڭىز. قوسپانى وتقا قويىپ (ەڭ تومەنىنە) بىركەلكى قويمالجىڭ شىققانشا ۇزبەي ارالاستىرىڭىز.
ودان كەيىن قوسپاعا تاعى 4 اس قاسىق قايناعان سۋ قوسىپ ارالاستىرىپ، ستەريلەنگەن بانكىگە قۇيىپ، قاقپاعىن جابىڭىز. ونى وسىلاي توڭازىتقىشتا ساقتاۋعا بولادى.
ماسكانى بەتكە جاعىپ، 20 مينۋتتان كەيىن جىلى سۋمەن جۋىپ، كرەم جاعۋ كەرەك
دەرەككوز: Reactor