ەلوردادا كولىك نومىرلەرىن زاڭسىز جاساپ كەلگەن رەسەي ازاماتى ۇستالدى
بۇل جايىندا ق ر ىشكى ىستەر مينيسترلىگى فەيسبۋكتە تاراتقان ۆيدەماتەريالىندا ايتىلعان، دەپ حابارلايدى قازاقپارات ءتىلشىسى.
«كريميالدىق پوليتسيا قىزمەتكەرلەرى جەدەل ىزدەستىرۋ كەزىندە اۆتوكولىكتەردىڭ ءنومىر بەلگىلەرىن، ونىڭ ىشىندە سۇرانىسقا يە نومىرلەردىڭ كوشىرمەسىن زاڭسىز ازىرلەپ، ساتىپ جۇرگەن الاياقتىڭ ءىسىن اشكەرەلەدى. پوليتسيا قىزمەتكەرلەرى الەۋمەتتىك جەلىلەردە مەملەكەتتىك ءنومىر بەلگىلەرىنىڭ كوشىرمەسىن دايىنداۋعا تاپسىرىس بەرەتىن اككاۋنتاردى انىقتادى. سونداي-اق ابونەنت نومىرلەرىنىڭ يەلەرى دە بەلگىلى بولدى. كۇدىكتى نۇر-سۇلتان قالاسىندا تۇراتىن رەسەي فەدەراتسيانىڭ ازاماتى بولىپ شىقتى»، - دەدى ق ر ىشكى ىستەر ءمينيسترىنىڭ كەڭەسشىسى - رەسمي وكىل ءنۇردىلدا وراز.
ونىڭ اتاپ وتۋىنشە، الاياق ۇيالى تەلەفون ارقىلى تاپسىرىس الىپ، ر ف ومبى قالاسىنداعى ءوزىنىڭ سىبايلاسىنا جالعان اۆتوكولىكتىڭ ءنومىر بەلگىلەرىن ازىرلەۋگە جولداپ تۇرعان.
«ءتىنتۋ كەزىندە نۇر-سۇلتان قالاسىنداعى ج ش س قويمالارىنىڭ بىرىندە ساتۋعا قويىلعان بىرنەشە اۆتوكولىكتىڭ ءنومىر بەلگىلەرىنىڭ كوشىرمەلەرى انىقتالدى. قازىر كۇدىكتى ۇستالىپ، تەرگەۋ امالدارى جالعاسىپ جاتىر»، - دەدى ول.