قوستانايدا ورىستەگى جىلقىلارعا باقىلاۋ قۇرىلعىسى ورناتىلادى
بۇل تۋرالى وبلىستىق ۆەتەريناريا باسقارماسى باسشىسىنىڭ مىندەتىن اتقارۋشى باۋىرجان بەكەت ب ا ق وكىلدەرىمەن وتكەن بريفينگتە باياندادى، دەپ حابارلايدى قازاقپارات.
اۋىل شارۋاشىلىعى سالاسىنىڭ جەتىستىكتەرى قاي ۋاقىتتا دا ەپيزووتيالىق احۋالدىڭ تۇراقتىلىعىنا بايلانىستى. بۇل ماسەلە وبلىس باسشىلىعىنىڭ قاتاڭ باقىلاۋىنا الىندى.
«بۇگىندە قوستاناي وبلىسىنىڭ اۋماعى جانۋارلاردىڭ اسا قاۋىپتى جۇقپالى اۋرۋلارىنان تازا، ەپيزووتيالىق جاعداي تۇراقتى. سونىڭ ناتيجەسىندە اۋىل شارۋاشىلىعى تاۋارىن وندىرۋشىلەر ءوز ونىمدەرىن شەت ەلدەرگە، ەلىمىزدىڭ باسقا وبلىستارىنا ەش كەدەرگىسىز شىعاراتىن مۇمكىندىگى بار. جىل سايىن ۆەتەرينارلىق- سانيتارلىق قاۋىپسىزدىكتى قامتاماسىز ەتۋ جونىندەگى ستراتەگيالىق مىندەتتەردى جۇزەگە اسىرامىز. ستراتەگيا شەڭبەرىندە جانۋارلاردىڭ اسا قاۋىپتى جۇقپالى اۋرۋلارىنىڭ 11 تۇرىنە، ەنزووتيالىق اۋرۋلاردىڭ 5 تۇرىنە قارسى ۆاكسينا ەگىلەدى، اۋرۋدىڭ 32 تۇرىنە دياگنوستيكالىق زەرتتەۋلەر جۇرگىزىلەدى. ۆەتەرينارلار جىل ىشىندە 5 ميلليون عا جۋىق مانيپۋلياتسيا جاسايدى»، - دەيدى باۋىرجان بەكەت.
ونىڭ سوزىنشە، قويىلعان مىندەتتەردى ساپالى ورىنداۋ ءۇشىن 9 ينديكاتور بەلگىلەنگەن. وسى ينديكاتورلاردىڭ ءبىرى - ءى ق م برۋسەللەزىنىڭ تارالۋ ديناميكاسىن تومەندەتىپ، كەيىن ونىڭ تۇراقتى تۇردە ۇستاپ، ودان ءارى ورشۋىنە جول بەرمەۋ.
«ەگەر 2014 -جىلى ءى ق م برۋسەللەزىنىڭ تارالۋ كورسەتكىشى وبلىس بويىنشا %1 قۇراسا، بۇل كورسەتكىش جىل سايىن تومەندەپ، برۋتسەللەز اۋرۋىنىڭ تارالۋى ازايا باستادى. ۆەتەريناريا باسقارماسى ەلدى مەكەندەر مەن شارۋاشىلىقتارداعى برۋسەللەز اۋرۋىنا تۇراقتى مونيتورينگ جۇرگىزىپ، دەر كەزىندە ساۋىقتىرۋ شارالارىن جۇزەگە اسىرىپ وتىرادى. بىلتىر ءىقم برۋتسەللەزى بويىنشا 10 ەلدى مەكەن مەن شارۋاشىلىقتار اۋرۋ وشاعى دەپ جاريالانىپ، شەكتەۋ شارالارى جۇزەگە اسىرىلدى. جىل سوڭىندا 9 اۋرۋ وشاعى ىندەتتەن تولىق ساۋىقتىرىلدى، قالعان 1 اۋرۋ وشاعىندا جانە بيىل اشىلعان 3 وشاقتا ساۋىقتىرۋ جۇمىستارى جالعاسۋدا»، - دەدى ول.
وبلىستىڭ ەپيزووتيالىق تۇراقتىلىعىن ساقتاۋ ماقساتىندا جانۋارلاردىڭ ءبىر جەردەن ەكىنشى جەرگە ورىنىن اۋىستىرۋعا باقىلاۋ جولعا قويىلعان. ول ءۇشىن كۇندەلىكتى بەرىلەتىن ۆەتەريناريالىق انىقتامالار اۋىل شارۋاشىلىعى مينيسترلىگىنىڭ اقپاراتتىق جۇيەسى ارقىلى قاداعالانىپ وتىرادى. سونداي- اق كەشەندى جۇمىستار قاتارىنا ەلدى مەكەندەر مەن شارۋاشىلىقتاردا پروفيلاكتيكالىق دەزينفەكسيا جۇمىستارىن جۇرگىزۋ جاتادى.
2018 -جىلدىڭ قورىتىندىسى بويىنشا 2169 وبەكتىگە 1 ميلليون 244 مىڭ كۆادرات مەترلىك اۋدانعا دەزينفەكسيا جۇمىستارى جۇرگىزىلدى.
ۆەتەريناريالىق- سانيتاريالىق قاۋىپسىزدىكتى قامتاماسىز ەتۋدىڭ ءبىر تەتىگى - مال ولەكسەلەرىن دەر كەزىندە ۋتيليزاتسيا جاساۋ. باۋىرجان بەكەت ايتقانداي، بۇگىندە وبلىستا مال ولەكسەلەرىن ورتەيتىن 26 ارنايى پەش-ينسينەراتورلار جۇمىس ىستەيدى.
«ەنزووتيالىق اۋرۋلارعا قارسى پرەپاراتتاردى قولدانۋدان جاقسى ناتيجەلەر العان ءبىرقاتار شارۋاشىلىقتار بار. مىسالعا، قوستاناي اۋدانىنىڭ «كارل ماركس» سەرىكتەستىگى، مەڭدىقارا اۋدانىنىڭ «زاريا» اكتسيونەرلىك قوعامى ءوز قاراجاتىنا پرەپاراتتاردى ساتىپ الىپ، 10 جىل بويى ۇزبەي قولدانۋ ناتيجەسىندە، وسى شارۋاشىلىقتاردا برۋسەللەز جانە تۋبەركۋلەز بويىنشا تۇراقتى ەپيزووتيالىق جاعداي قالىپتاسقان. مالدىڭ ورتاشا سالماعى جانە ءسۇت ءوندىرۋ باسقا شارۋاشىلىقتارمەن سالىستىرعاندا جوعارى»، - دەپ ءتۇسىندىردى باۋىرجان بەكەت.
بيىل اتالمىش باسقارما كارانتيندىك ءىس-شارالار جۇرگىزۋدى كۇشەيتپەك.
سونىمەن قاتار، جىلقىلاردىڭ قوزعالىسىن قاداعالاۋعا ارنالعان GPS-جۇيەسىمەن جابدىقتاۋ جوباسىن جالعاسادى.
«بيىل 50 جىلقىعا ورناتۋ جوسپارلانعان، بۇل ارقىلى 2500 باسقا جۋىق جىلقىنىڭ قوزعالىسى قاداعالاناتىن بولادى. بۇل تەحنولوگيا جىلقى وسىرۋشىلەرگە، جەكە تۇلعالارعا جىلقىنىڭ تۇرعان ورىنىن سيفرلىق جۇيە كومەگىمەن قاداعالۋعا مۇمكىندىگىن بەرەدى، مال ۇرلىعى مەن جوعالۋدىڭ الدىن الادى. حالىقارالىق ەپيزووتيالىق بيۋرو ساراپشىلارىنىڭ ەلىمىزدىڭ ۆەتەريناريالىق قىزمەتىنە بەرگەن PVS باعاسىنا سايكەس جاسالىنعان جۇمىس جوسپارىن وبلىس اۋماعىندا جۇزەگە اسىرامىز»، - دەپ ءتۇيدى باسقارما باسشىسىنىڭ مىندەتىن اتقارۋشى.