جۇمىسقا الۋ ءراسىمىنىڭ اشىق بولعانى ماڭىزدى - ەلباسى

None
None
 نۇر- سۇلتان. قازاقپارات - قازاقستاننىڭ تۇڭعىش پرەزيدەنتى - ەلباسىنىڭ توراعالىعىمەن «سامۇرىق - قازىنا» ۇلتتىق ءال- اۋقات قورىن باسقارۋ جونىندەگى كەڭەستىڭ وتىرىسى ءوتتى، دەپ حابارلايدى اقوردانىڭ باسپا ءسوز قىزمەتى.

جيىنعا پرەمەر- مينيستر ا. مامين، پرەزيدەنت اكىمشىلىگىنىڭ باسشىسى ب. ساعىنتايەۆ، «سامۇرىق- قازىنا» اكسيونەرلىك قوعامىنىڭ باسقارما ءتوراعاسى ا. ەسىموۆ، «سامۇرىق- قازىنا» اكسيونەرلىك قوعامىنىڭ تاۋەلسىز ديرەكتورى ر. ەۆانس، تۇڭعىش پرەزيدەنتتىڭ كومەكشىسى د. اقىشيەۆ، باسقارما مۇشەلەرى جانە قوردىڭ ۇلتتىق كومپانيالارىنىڭ باسشىلارى قاتىستى.

وتىرىستا «سامۇرىق- قازىنا» اكسيونەرلىك قوعامىنىڭ 2018-2028 -جىلدارعا ارنالعان دامۋ ستراتەگياسىن جۇزەگە اسىرۋ تۋرالى ەسەپ تىڭدالدى، سونداي- اق قوردى ودان ءارى ترانسفورماتسيالاۋ جونىندەگى تاپسىرمالاردىڭ ورىندالۋ بارىسى تالقىلاندى.

 - قور ەل ەكونوميكاسىندا ماڭىزدى ءرول اتقارادى. ءبىز وزىق حالىقارالىق تاجىريبەنى زەردەلەپ، وسى قوردى قۇردىق. بۇگىندە «سامۇرىق- قازىنا» قورى ەل ەكونوميكاسىن دامىتۋعا ەلەۋلى ۇلەس قوسىپ كەلەدى، - دەدى ەلباسى.

 باسقوسۋ بارىسىندا «سامۇرىق- قازىنا» اكتسيونەرلىك قوعامىنىڭ باسقارما ءتوراعاسى ا. ەسىموۆ كورپوراتيۆتىك ورتالىقتاردىڭ قۇرىلىمىن وڭتايلاندىرۋ جانە قوردىڭ باسقارۋ دەڭگەيلەرىن قىسقارتۋ ناتيجەلەرى تۋرالى باياندادى. نۇرسۇلتان نازاربايەۆقا قور كومپانيالارىن جەكەشەلەندىرۋ، يندۋستريالدىق- يننوۆاتسيالىق دامۋ جانە «نۇرلى جول» باعدارلامالارىن ىسكە اسىرۋ بارىسى تۋرالى مالىمدەلدى.

 ا. ەسىموۆتىڭ اقپاراتىنا سايكەس، بۇگىنگى تاڭدا قور جالپى سوماسى 8 تريلليون تەڭگەنى قۇرايتىن 54 جوبانى جۇزەگە اسىرۋدا جانە 68 مىڭ جاڭا جۇمىس ورنى اشىلدى.

- ءبىز قور پورتفەلىن ءارتاراپتاندىرۋ ءۇشىن ەگەمەن قورلارمەن جانە حالىقارالىق ينۆەستورلارمەن ستراتەگيالىق سەرىكتەستىك ورناتۋ مۇمكىندىكتەرىن قاراستىرىپ جاتىرمىز. قازىرگى تاڭدا جالپى سوماسى 13,3 ميلليارد دوللاردى قۇرايتىن ەكى جاقتى 28 كەلىسىمگە قول قويىلدى، - دەدى «سامۇرىق قازىنا» ا ق باسقارما ءتوراعاسى.

جيىندا، سونداي- اق، ر. ەۆانس، ا. مامين جانە ۇلتتىق كومپانيالاردىڭ باسشىلارى بايانداما جاسادى.

Жұмысқа алу рәсімінің ашық болÒ

قازاقستاننىڭ تۇڭعىش پرەزيدەنتى ۇلتتىق ءال- اۋقات قورىنىڭ قىزمەتى ءجىتى باقىلاۋىندا بولاتىنىن اتاپ ءوتتى.

- قوردىق باستى مىندەتى - اكتيۆتەردى كوبەيتۋ، تابىستى ارتتىرۋ جانە ۇلتتىق كومپانيالاردى دامىتۋ. قور اكتيۆتەرىنىڭ ەل ەكونوميكاسى ءۇشىن ستراتەگيالىق ماڭىزى بار. جاڭا باسشىلىق جۇمىسىنىڭ وڭ ناتيجەلەرىن اتاپ وتكىم كەلەدى. قىسقا مەرزىم ىشىندە قارىزدى ازايتىپ، كومپانيالاردىڭ تابىستى جۇمىس ىستەۋىن، قارجى قۇرالدارىن ءتيىمدى باسقارۋدى قامتاماسىز ەتە الدىق، - دەدى نۇرسۇلتان نازاربايەۆ.

ەلباسى، سونداي- اق، قوردىڭ ساتىپ الۋلاردى ۇيىمداستىرۋ جانە كاسىپكەرلىكتى قولداۋ سالاسىنداعى جۇمىسىنىڭ ناتيجەلەرىن جوعارى باعالادى.

- قور ىشىندە ءبىر جەردەن ساتىپ الۋ ايتارلىقتاي قىسقارىپ، تەندەرلەردىڭ كولەمى ارتتى. ولار اشىق وتكىزىلەتىن بولدى. بۇگىندە جۇمسالاتىن شىعىن 5 ەسە ازايدى. وكىنىشكە قاراي، مەملەكەتتىك ورگانداردىڭ ساتىپ الۋ ىسىندە مۇنداي ناتيجە جوق. مىندەتتەر دۇرىس بەلگىلەنگەن جاعدايدا قولدانىستاعى زاڭ نورمالارى دا ميللياردتاعان تەڭگەنى ۇنەمدەۋگە مۇمكىندىك بەرەتىنىن قور قىزمەتى ايقىن كورسەتىپ وتىر، - دەدى قازاقستاننىڭ تۇڭعىش پرەزيدەنتى.

نۇرسۇلتان نازاربايەۆ قوردىڭ ادام رەسۋرستارىن باسقارۋ سالاسىندا قولعا الىپ جاتقان شارالارىنا قولداۋ ءبىلدىردى.

- كومپانيالار مەن كاسىپورىنداردىڭ باستى اكتيۆى - ادامدار. جۇمىسقا الۋ ءراسىمىنىڭ اشىق بولعانى ماڭىزدى. بارلىق تاعايىنداۋلار ترانسپارەنتتى بولۋعا ءتيىس، - دەدى ەلباسى.

جيىن قورىتىندىسى بويىنشا قوردىڭ قارجى جاعدايىن ودان ءارى جاقسارتۋعا، ەلىمىزدىڭ تاۋار وندىرۋشىلەرىن قولداۋعا، «قازاقتەلەكوم» جانە «Air Astana» كومپانيالارىنىڭ اكسيالارىن IPO- عا شىعارۋعا باعىتتالعان شەشىمدەر قابىلداندى.

Жұмысқа алу рәсімінің ашық болÒ

سوڭعى جاڭالىقتار