USD 433.3 EUR 464.19
RUB 6.48 CNY 64.56
جاڭالىقتار

قانداي جىگىتتەردەن الىس ءجۇرۋ كەرەك؟

22 مامىر 18:29
:ءبولىسۋ
قانداي جىگىتتەردەن الىس ءجۇرۋ كەرەك؟

نۇر-سۇلتان. قازاقپارات - قىزدار سىڭارىن كەزدەستىرگەنشە قيالىنداعى اق بوز اتتى حانزاداسىن كۇتەدى.

ءبىر كورگەن جىگىتتى جارى رەتىندە ەلەستەتىپ، قانداي اكە بولاتىنىن دا وي ەلەگىنەن وتكىزىپ تاستايتىنى جاسىرىن ەمەس. كەزدەستىرگەن جىگىتى تالعامىنا وتىز پايىز سايكەس كەلسە، «قالعانىن ءوزىم تۇزەتىپ الامىن» دەپ ويلاۋى مۇمكىن. قيسىعىن تۇزەتەم دەپ، سىندىرىپ الماۋ ءۇشىن، قالاي بار - سولاي قابىلداعان جاقسى.

جۇرەككە ءامىر جۇرمەگەنىمەن، اقىلدىڭ دا بۇيرىعىنا قۇلاق ءتۇرىپ قويعان دۇرىس. ءوز تاڭداۋىڭىزعا ءومىر بويى وكىنىپ وتكەنشە، جەتى رەت ولشەپ، ءبىر رەت كەسىڭىز. قانداي جىگىتتەردى تۇزەۋ قيىن بولادى، كىمدەردەن قاشىق جۇرەمىز؟

اقشاقۇمار. شاڭىراقتىڭ يەسى بولعاسىن ەر ادام وتباسى قامىن، اقشا تابۋ جولىن كوبىرەك ويلاعانى ءجون، ارينە. ءبىراق شەكتەن شىقپاسىن. اقشانىڭ سوڭىنا ءتۇسىپ، ول ءۇشىن بارىنە باراتىن كىسىنىڭ ادامگەرشىلىگى از بولادى.

«ەڭ قىمبات كولىك الامىن، ەشكىمدە جوق ءۇي سالامىن» دەپ ارماندايتىن ەمەس، «كوپ بالام بولىپ، سولار ءۇشىن ادال اقى تاپسام» دەپ، ءوزىن اقشادان بيىك ۇستايتىن جىگىتتى تاڭداڭىزدار.

ويىنقۇمار. بۋكمەكەرلىك كەڭسەلەرگە بارىپ ءباس تىگەتىندەر، قۇمار ويىن وينايتىندار اراسىندا ماڭداي تەرىمەن، ادال جولمەن كەلمەگەن اقشا ەكى ەسە شىعىنعا اينالىپ، جەلگە ۇشىپ كەتەتىنىن بىلەتىندەرى دە بار. الايدا ولار ءوزىن توقتاتا المايدى. بۇگىن وليمپ-كە بارسا، ەرتەڭ كازينوعا بارادى. قارىزعا باتىپ، اقىرى اياعىندا ايەلىن دە باسكە تىگىپ جىبەرەتىندەر جوق ەمەس. شاعىن وتىرىسقا بارعاندا كوپكە قوسىلىپ، اقشا تىگىپ كارتا وينايتىندار دا بەرەكەنى كەتىرەدى. مۇنداي قاسيەتى بارىن بىلسەڭىز، جىگىتتەن بىردەن باس تارتقان دۇرىس.

تەمەكى. تەمەكى شەگەتىن جىگىتتى تاڭداساڭىز، ونىڭ تۇتىنىنە تۇنشىققان ءسىزدىڭ دە اعزاڭىز تەمەكى شەگەتىن ادامنىڭ اعزاسىنداي بولادى. تۇتىنگە ۋلانعان بالا دا ون ەكى مۇشەسى ساۋ بوپ تۋۋى نەعايبىل. ساۋ تۋدى دەگەن كۇننىڭ وزىندە بولاشاق بالالارىڭىز دا تەمەكى شەگەتىن بولادى دەپ ەسەپتەي بەرىڭىز. سەبەبى بالا تاربيەسىندە قۇرعاق ءسوز پايداعا اسپايدى، بالا كورگەنىن ىستەيدى. ءجاسوسپىرىم شاعىندا تەمەكى شەگە باستاعانىن بايقاپ، تيىم سالعاندا، «زيان بولسا، اكەم نە ءۇشىن تەمەكى شەگەدى؟» دەسە، نە دەپ جاۋاپ بەرەسىز؟..

قىزقۇمار. قىز كورسە جىلتىڭداپ، كوزى ويناقشىپ تۇراتىن جىگىت، ادەتتە، ماحابباتقا تۇراقسىز بولادى. ءيا، جاي عانا سۇلۋلىققا ءسۇيسىنۋ دەرسىز، تارتىمدى ارۋدى كورگەندە قىز بالاسى دا بۇرىلىپ قارايدى دەرسىز. ءبىراق، جاي عانا قاراۋ مەن قىرىنداۋ ەكى بولەك. ءسىز قىزعاناسىز، ءارى ونداي جىگىت ءوزى دە وتە قىزعانشاق بولادى. ورىنسىز قىزعانىشتان ۇرىس تۋادى، ۇرىس سوڭى جاقسىلىقپەن اياقتالمايدى. ءسىزدىڭ كوزىڭىزشە وزگە قىزعا كوز سالىپ وتىرعان اداممەن اراداعى قارىم- قاتىناس ۇزاققا سوزىلا قويماس.

سىيى جوق. ءسىزدىڭ جاساعان ماكياجىڭىز، دۇكەنشى قايتارىپ بەرگەن مايدا تيىن، پىسىرگەن تاماعىڭىز قالاي جاسالعانى - ءبارى- بارىنە جىگىت ەگجەي-تەگجەيلى ارالاسىپ وتىراتىن بولسا، بۇل - ۇساقشىلدىق. ونداي قاسيەت ەركەك دەگەن اتىنا سىزات تۇسىرەدى. ەر ادامعا ءتان ىرىلىكتى كورە الماعان سوڭ، جايلاپ-جايلاپ وعان دەگەن سىيلاستىعىڭىز دا كەمي بەرەدى. جىگىتىن سىيلاماي، «مەنىڭ ايتقانىمنان شىقپايدى» دەۋدى كەي قىزدار ابىروي ساناۋى مۇمكىن. ول ءسىزدىڭ ىعىڭىزدان شىعا الماي، دەگەنىڭىزگە جىعىلا بەرەتىن بولسا، بالالارىڭىز ونى قالاي سىيلاماق؟ اناسى سىيلامايتىن اكە بالالارىنا دا سىيى بولمايدى. قازاق انالارى اكەنىڭ جانارىنان- اق قورقاتىن بولعان.

كەمشىلىگى جوق ادام بولمايدى. بويىنداعى بار كەمشىلىگىن بىلە تۇرا، سوعان ءومىر بويى توزە الامىن دەسەڭىز عانا، سوڭعى شەشىم قابىلداڭىز.

دەرەككوز: Reactor


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ

مۇراعات