مايمەن جۋىنۋدىڭ پايداسى

نۇر-سۇلتان. قازاقپارات - بەتتى وسىمدىك مايىمەن جۋۋدىڭ كوپتەگەن ارتىقشىلىقتارى بار: بىرىنشىدەن، كەز كەلگەن تيپتەگى بەت تەرىسىن جاقسى تازارتادى؛ ەكىنشىدەن، تەرىنى كەبۋدەن قورعايدى؛ ۇشىنشىدەن، تەرىنى جۇمساق، يكەمدى، نازىك ەتەدى.

مايدى بەتىڭىزگە جاعىپ، ۋقالاپ، ءسال ىستىقتاۋ سۋمەن جۋىپ تاستاڭىز. نەگە ماي تەرىگە پايدالى؟ ءبىزدىڭ تەرىمىز ءاردايىم ماي بولەدى. ءتىپتى قۇرعاق تەرىنىڭ ءوزى تەرى ماي بەزدەرىنەن كەندە ەمەس. تەرىنى تەك سۋمەن عانا جۋىپ، ءبىز قاتەلەسەمىز، ويتكەنى مايدى سۋمەن كەتىرە المايسىز. ال مايعا مايمەن اسەر ەتۋگە بولادى، ياعني ەرىتىپ، ارتىعىن كەتىرۋگە مۇمكىندىك تۋادى.

سۋمەن جۋىنۋدىڭ (كوپىرشىكتەر مەن گەلدەردى پايدالانساڭىز دا) تاعى دا ءبىر كەمشىلىكتەرى بار. بىرىنشىدەن، كوپىرشىك تۋعىزاتىن بارلىق قۇرىلعىلاردىڭ قۇرامىندا حيميكاتتار بار. ەكىنشىدەن، سۋمەن جۋىنۋ كىرلەنگەن تەرىنىڭ مايلى بەزدەرىن تولىق كەتىرە المايدى، سول سەبەپتى تەرىنىڭ ۇساق تەسىكتەرى بىتەلىپ، قارا نۇكتەلەر پايدا بولىپ، ءبورتۋى مۇمكىن.

ءسىزدىڭ تەرىڭىزگە قانداي مايلار پايدالى:

- جاجوبا مايى بارلىق تيپتەگى تەرىلەرگە جاراي بەرەدى، اسىرەسە ءجيى بورتەتىن تەرىلەرگە اسا پايدالى.

- ءتاتتى بادام مايىن مايلى تەرىگە قولدانۋعا بولادى؛

- ءجۇزىم سۇيەكتەرىنەن جاسالعان ماي دا بارلىق تەرىگە پايدالى، اسىرەسە مايلى تەرىگە.

- اۆوكادو مايى قۇرعاق تەرىگە، ءاجىم تۇسە باستاعان تەرىگە پايداسى مول.

- كۇنباعىس ءدانىنىڭ مايى جانە ءزايتۇن مايى بارلىق تيپتەگى تەرىلەرگە جارايدى؛

- ورىك سۇيەگىنىڭ مايى قالىپتى تەرىگە جانە قۇرعاق تەرىگە اسا پايدالى؛

- ارگان مايلارى دا بارلىق تيپتەگى تەرىلەرگە جارايدى، اسىرەسە سولىپ قالعان تەرىنى قايتا قالپىنا كەلتىرۋگە ىقپال ەتەدى.

 

دەرەككوز: Reactor