دارىگەرلەردى قىزمەتىنەن تىس جۇمىستاردان بوساتۋ كەرەك - پرەزيدەنت
اقتوبەدەگى حالىقارالىق فورۋم كەزىندە پرەزيدەنت دارىگەرلەردىڭ ءوز قوسىمشا قوعامدىق ىستەرمەن اينالىسۋىنا تىيىم سالۋدى تاپسىردى.
«مەديتسينا قىزمەتكەرىنىڭ ستاتۋسىن كوتەرۋ كەرەك. 2019-جىلدىڭ 1- ماۋسىمىنان باستاپ بيۋجەت سالاسىنداعى كەيبىر جۇمىسشىلاردىڭ جالاقىسى 30 پايىزعا دەيىن كوتەرىلەدى. ونىڭ ىشىندە مەديتسينا قىزمەتكەرلەرى دە بار. ۇكىمەت حالىق دەنساۋلىعى مەن دەنساۋلىق ساقتاۋ جۇيەسى كودەكسىن قايتا قاراپ جاتىر. وندا دەنساۋلىق ساقتاۋ سالاسى قىزمەتكەرلەرىن ماتەريالدىق جانە مورالدىق ىنتالاندىرۋ، ولاردىڭ قۇقىقتارىن قورعاۋ، قوعامداعى ستاتۋسىن ارتتىرۋ قاراستىرىلادى. جوبا حالىق تالقىسىنا سالىنۋى كەرەك. دارىگەرلەردى قىزمەتىنەن تىس جۇمىستاردان جانە مىندەتىنە كىرمەيتىن ارتىق جۇكتەمەدەن بوساتۋ كەرەك. بۇل جۇمىستى بۇگىننەن باستاۋ قاجەت! كودەكس پارلامەنتتىڭ كەلەسى سەسسياسىنىڭ اياعىنا دەيىن قابىلدانۋى ءتيىس»، - دەدى پرەزيدەنت قاسىم-جومارت توقايەۆ.