بەيبىت اتامقۇلوۆ بىشكەكتە قىتايدىڭ سىرتقى ىستەر ءمينيسترى ۆان يمەن كەزدەستى

بىشكەك. قازاقپارات - شاڭحاي ىنتىماقتاستىق ۇيىمىنا مۇشە-مەملەكەتتەردىڭ سىرتقى ىستەر مينيسترلەرى كەڭەسىنىڭ (ش ى ۇ س ى م ك) وتىرىسىنا قاتىسۋ قارساڭىندا ق ر سىرتقى ىستەر ءمينيسترى بەيبىت اتامقۇلوۆ قىتاي حالىق رەسپۋبليكاسى مەملەكەتتىك كەڭەسىنىڭ مۇشەسى، سىرتقى ىستەر ءمينيسترى ۆان يمەن كەزدەستى، دەپ حابارلايدى قازاقپارات.

ق ر س ءى م باسپا ءسوز قىزمەتىنىڭ مالىمەتىنشە، قازاقستان مەن قىتاي سىرتقى ساياسي ۆەدومستۆولارىنىڭ باسشىلارى ساياسي، ساۋدا-ەكونوميكالىق سالالارداعى ەكىجاقتى ىنتىماقتاستىق، سونداي-اق كوپجاقتى قۇرىلىمدارداعى ءوزارا ىقپالداسۋ ماسەلەلەرىن تالقىلادى.

ق ر س ءى م باسشىسى بيىلعى جىلدىڭ 25-28- ساۋىردە ءساتتى وتكەن «ءبىر بەلدەۋ، ءبىر جول» 2-حالىقارالىق ىنتىماقتاستىق فورۋمىنا قاتىسۋ ءۇشىن قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ ساپارىنىڭ ماڭىزدىلىعىن اتاپ ءوتتى.

وسى فورۋمدا ەلباسى ن. نازاربايەۆ الەمدىك قوعامداستىققا گەوساياسي احۋالدىڭ «ءۇش د» ۇلگىسىن ۇسىندى جانە قىتايلىق تاراپتى ونى جۇزەگە اسىرۋ ءۇشىن ودان ءارى جان-جاقتى قولداۋدى سۇرادى.

ۆان ي بيىل 14-16- مامىردا ق ك پ ورتالىق كوميتەتى تۇراقتى كوميتەتىنىڭ مۇشەسى، ق ح ر مەملەكەتتىك كەڭەسىنىڭ ۆيتسە-پرەمەرى حان چجەننىڭ قازاقستان مەن قىتاي 2-ءوڭىرارالىق ىنتىماقتاستىق فورۋمىنا جانە 12- استانالىق ەكونوميكالىق فورۋمىنا قاتىسۋ ءۇشىن قازاقستانعا ساپارىن ويداعىداي وتكىزىلگەنى ءۇشىن العىس ءبىلدىردى.

قىتاي س ءى م باسشىسى قازاقستاندا الداعى ۋاقىتتا وتەتىن پرەزيدەنتتىك سايلاۋدىڭ تابىستى بولاتىنىنا سەنىم ءبىلدىردى.

قىتايلىق تاراپ «ءبىر بەلدەۋ، ءبىر جول» باستاماسىن جۇزەگە اسىرۋدا قازاقستاننىڭ جەتەكشى ءرولىن ەرەكشە اتاپ ءوتىپ، ونى «نۇرلى جول» ج ە س- پەن تەرەڭ ۇشتاستىرۋ ارقىلى ءوزارا كولىك بايلانىستارىن كوتەرۋدى، سونداي-اق ونى ىلگەرىلەتۋدە ەكى ەلدىڭ كوشباسشىلىعىن ساقتاۋدى ۇسىندى. بۇل ءوز كەزەگىندە، ءبىزدىڭ ەلدەر اراسىندا سيفرلىق ەكونوميكانى دامىتۋ، سيفرلاندىرۋ، جوعارى تەحنولوگيالىق، يننوۆاتسيالىق جانە ەلەكتروندىق كوممەرتسيا سالاسىنداعى جاڭا جوبالاردىڭ سانىن ارتتىرۋ بويىنشا يندۋستريالىق-ينۆەستيتسيالىق ىنتىماقتاستىقتى نىعايتۋعا ىقپال ەتەدى.

ۆان ي قىتاي قازاقستانمەن كوپجاقتى كۇن تارتىبىندەگى كەڭ اۋقىمدى ماسەلەلەر بويىنشا دا ءوزارا تىعىز ىنتىماقتاستىققا، ق ر تۇڭعىش پرەزيدەنتى - ەلباسى ن. نازاربايەۆ قۇرۋدىڭ باسىندا تۇرعان ش ى ۇ، ا و س ش ك سياقتى حالىقارالىق ۇيىمدار شەڭبەرىندە ءتيىمدى ۇيلەستىرۋگە مۇددەلى ەكەنىن اتاپ ءوتتى.

سىرتقى ساياسي ۆەدومستۆولارىنىڭ باسشىلارى ەكى ەلدىڭ ش ى ۇ- دا ءبىرقاتار باستامالارىنا ءوزارا قولداۋدى اتاپ ءوتتى، اتاپ ايتقاندا ش ى ۇ دامۋ بانكىن قۇرۋ، ۇلتتىق ۆاليۋتاداعى ءوزارا ەسەپ ايىرىسۋ ۇلەسىن ۇلعايتۋ، ترانزيت-كولىكتىك الەۋەتىن پايدالانۋ جانە ت. ب.

تاراپتار ءوزارا قىزىعۋشىلىق تۋدىراتىن ماسەلەلەر بويىنشا تۇراقتى بايلانىستار مەن قولداۋدى جالعاستىرۋعا كەلىستى.