تايلاند كورولىنىڭ جۇرەگىن جاۋلاعان گەنەرال پاتشايىم جايلى نە بىلەمىز؟

 نۇر-سۇلتان. قازاقپارات - تايلاند پاتشاسى ماح ۆاچيرالونگكورن ءتورتىنشى مارتە وتباسىن قۇردى.

66 جاستاعى باسشىنىڭ تاڭداۋى بۇل جولى 40 جاستاعى سۋتيحدا ۆاچيرالونگكورنعا تۇسكەن.

جەلىدە جاڭا پاتشايىمىنىڭ سۋرەتتەرى تارادى دەپ جازادى spletnik.ru سايتىنا سىلتەمە جاساعان KAZ. NUR. KZ.

عالامتور جاريالانعان سۋرەتتەن سۋتيحدانىڭ اسكەري كيىممەن تۇرعانىن بايقاۋعا بولادى. پاتشايىمنىڭ سۋرەتتەگى وبرازدارى كەزدەيسوقتىق ەمەس. 40 جاستاعى كەلىنشەك بۇعان دەيىن كورول كۇزەتىنىڭ باسشىسى قىزمەتىن اتقارعان.

سونىمەن قاتار، 2013-جىلى ول حانزادا بولعان ماح ۆاچيرالونگكورن وتباسىنىڭ كۇزەت كومانديرى قىزمەتىندە بولدى. بۇدان كەيىن، اراعا ءۇش جىل سالىپ، سۋتحيدا گەنەرال شەنىن العان.

كۇزەتتەگى جۇمىسىن باستاماس بۇرىن، جاڭا پاتشايىم Thai Airways اۋە كومپانياسىندا ستيۋاردەسسا بولىپ جۇمىس ىستەگەن.

تايلاند كورولى مەن ونىڭ سۇيىكتىسىنىڭ ۇيلەنۋ تويى ءبىرىنشى مامىر كۇنى دۋسيت سارايىندا وتكەن.

ۆاچيرالونگكورن ۇيلەنۋ تويىن تاققا وتىرۋىنا ءۇش كۇن قالعاندا وتكىزدى. ايتا كەتەرلىگى، ماح ۆاچيرالونگكورن اكەسى قايتىس بولعان سوڭ، 2016-جىلى تايلاند كورولى اتانعان. الايدا، قىزمەتىنە تەك بيىل عانا كىرىسكەن.

سۋتيحدانى كەزدەستىرمەي تۇرىپ، تايلاند كورولى ءۇش مارتە شاڭىراق كوتەرىپ ۇلگەرگەن. ەكىنشى نەكەسىنەن ماح ۆاچيرلونگكورننىڭ ەكى قىزى مەن بەس ۇلى بار. پەرزەنتتەرىنىڭ اراسىنان تەك ءبىر ۇلى عانا رەسمي تۇردە حانزادا اتاندى.