توقايەۆ اقتوبە قالاسىنىڭ يندۋستريالدى ايماعىنىڭ جۇمىسىمەن تانىستى
مەملەكەت باسشىسىنا كەراموگرانيت پەن كەراميكالىق پليتكالار شىعاراتىن «زەردە- كەراميكا اقتوبە» ج ش س زاۋىتىنىڭ قۇرىلىسى جونىندە مالىمەت بەرىلدى. اتالعان ينۆەستيتسيالىق جوبانىڭ جالپى قۇنى 9,2 ميلليارد تەڭگە.
قازاقستان پرەزيدەنتىنە يندۋستريالدىق- يننوۆاتسيالىق دامۋ مەملەكەتتىك باعدارلاماسىنىڭ جۇزەگە اسىرىلۋى، ونەركاسىپتىڭ جاڭعىرتىلۋى، شاعىن جانە ورتا بيزنەستىڭ دامۋى تۋرالى باياندالدى. سونداي- اق، قاسىم- جومارت توقايەۆقا وبلىستاعى ءىرى ءوندىرىس نىساندارى، سونىڭ ىشىندە مۇناي وندىرەتىن «س ن پ س- اقتوبەمۇنايگاز» اكتسيونەرلىك قوعامىنىڭ جانە جەل ەلەكتر ستانساسىنىڭ قۇرىلىسىمەن اينالىساتىن «ARM WIND» جاۋاپكەرشىلىگى شەكتەۋلى سەرىكتەستىگىنىڭ جۇمىسى جونىندە مالىمەت بەرىلدى.
قاسىم- جومارت توقايەۆ كومپانيا باسشىلارىنا ارنالعان سوزىندە ەڭبەككەرلەردىڭ جالاقىسىن جىل سايىن ءوسىرۋ جانە ساتىپ الىناتىن تاۋارلار مەن كورسەتىلەتىن قىزمەتتەردەگى قازاقستاننىڭ ۇلەسىن ارتتىرۋ قاجەتتىگىن ايتتى. مەملەكەت باسشىسى شاعىن جانە ورتا بيزنەستى دامىتۋ ءۇشىن ءىرى كاسىپورىنداردىڭ اينالاسىندا بەلدەۋ قۇرۋدىڭ ماڭىزدىلىعىن اتاپ ءوتتى.
سوڭىندا قازاقستان پرەزيدەنتى وبلىس باسشىلىعىنا وڭىرگە ينۆەستيتسيا تارتۋ بويىنشا كەشەندى شارا قابىلداۋدى تاپسىردى.