مەملەكەت باسشىسى اقتوبە وبلىسىنداعى جىلىجاي كەشەنىندە بولدى

اقتوبە. قازاقپارات - مەملەكەت باسشىسى قاسىم-جومارت توقايەۆ «Green Capital Kazakhstan» جىلىجاي كەشەنىنە باردى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

قازاقستان پرەزيدەنتى اقتوبە وبلىسىنا جۇمىس ساپارى بارىسىندا جىلىنا 3 مىڭ توننا كوكونىس وسىرەتىن «Green Capital Kazakhstan»  ج ش س- ءنىڭ جىلىجاي كەشەنىن ارالاپ كوردى.

قاسىم-جومارت توقايەۆ كاسىپورىننىڭ شىعاراتىن ونىمدەرىمەن تانىستى جانە جاڭا جۇمىس ورىندارىن اشىپ، حالىقتىڭ ءال-اۋقاتىن ارتتىرۋ ءۇشىن وسىنداي ينۆەستيتسيالىق جوبالاردى ىسكە قوسۋدىڭ ماڭىزدى ەكەنىن اتاپ ءوتتى.