جارتى عاسىردا بولماعان قۇمدى داۋىل ءاپ-ساتتە كۇندىزدى تۇنگە اينالدىردى

 نۇر-سۇلتان. قازاقپارات - اۆستراليا تۇرعىندارى قۇمدى داۋىلعا ۇيرەنگەن. الايدا ميلديۋرا قالاسىن باسقان سۇراپىل داۋىلدى ادامدار جارتى عاسىر بويى كورمەگەن.

بۇل تۋرالى life.ru سايتى حابارلايدى.

تابيعاتتىڭ الاپات كۇشىنىڭ كورىنىسى ۆيدەو تىركەگىشكە ءتۇسىپ قالعان. ۆيدەودان جۇرگىزۋشىنىڭ سارى بۇلتقا قاراي كەلە جاتقانىن كورۋگە بولادى.

كەنەت جاڭا عانا جارىقتا كەلە جاتقان كولىك تۇنەك ورتاسىنا تۇسەدى. جول كورىنبەي قالادى، ءبىراق باتىل جۇرگىزۋشى قوزعالىسىن جالعاستىرا بەرەدى. قارسى باعىتتا باسقا دا كولىكتەر ءوتىپ جاتادى.

ۆيدەودان كوشە جارىقتارى قوسىلىپ تۇرعانىن بايقاۋعا بولادى.

جول مۇلدە كورىنبەي كەتكەندىكتەن جۇرگىزۋشى شەتكە توقتاپ، داۋىلدىڭ اياقتالعانىن كۇتۋگە بەل بۋادى.

ميلديۋردەگى جەل ەكپىنى سەكۋندىنا 25 مەترگە جەتتى. كۋاگەرلەردىڭ سوزىنشە، 15 مينۋتتىڭ ىشىندە اسپان قاراۋىتىپ، سارعايىپ، قاپ-قارا بولىپ كەتكەن. ءسويتىپ قالانى تۇنەك باسقان.