قايتالانباس قىزىقتارعا كۋا بولعىڭىز كەلسە «حان شاتىر» ماڭىنا كەلىڭىز
ق ر ۇلتتىق سپورت قاۋىمداستىعىنىڭ حابارلاۋىنشا، جامبى اتۋدان وتەتىن «التىن جەبە» 1- الەم چەمپيوناتىنان وزگە بۇل كۇندەرى تاعى دا كوپتەگەن قىزىقتى شارالار وتەدى.
اتاپ ايتقاندا، اتالمىش مەرەكە وتەتىن «حان شاتىر» كەشەنىنىڭ ماڭىندا اۋقىمدى ەتنو-قالاشىق بوي كوتەرەدى. بالالار ءۇشىن بىرەگەي ەتنو-اتتراكتسيوندار اشىلادى. ۇلتتىق سالت-ءداستۇر مەن كىتاپ كورمەلەرى وتەدى. اقىندار ايتىسى ۇيىمداستىرىلادى. بالالار مەن ەرەسەكتەرگە ارنالعان اۋدارىسپاق، ساداق اتۋ، ارقان تارتۋ، اسىق اتۋ سياقتى كوپتەگەن ۇلتتىق ويىن قاتىسۋشىلارىنا ماراپاتتار مەن جۇلدەلى سىيلىقتار تابىس ەتىلەدى.
قازاق كۇرەسىنىڭ بوز كىلەمى توسەلىپ، اتاقتى بالۋاندار شەبەرلىك ساباقتارىن وتكىزەدى. سونداي-اق، وسى كۇندەرى ەتنو-قالاشىققا كەلگەن بۇلدىرشىندەرگە التىباقان تەبۋ، پوني اتتارعا ءمىنىپ سەرۋەندەۋ سياقتى قىزىقتار تەگىن كورسەتىلەدى.
«Nur- Sultan Ethno Fest» فەستيۆالىنىڭ رەسمي اشىلۋى 31- مامىردا ساعات 19.00 دە وتەدى.
سونداي-اق، ەتنوفەستيۆالدا بالالارعا ارنالعان ەتنوايماق بولادى. وندا بالالاردىڭ كيىز ۇيلەرى، قۋىرشاق تەاترىنىڭ قويىلىمى، ەتنواتتراكتسيوندار (بالا التىباقان، قۇرىق تاستاۋ، جامبى اتۋ)، بالا كۇرەس، اۋدارىسپاق، اسىق اتۋ، توعىزقۇمالاق، ارقان تارتىس، لاڭگى، قاپپەن سەكىرۋدەن سايىس وتكىزىلىپ، مىنۋگە اتتار بەرىلەدى.
بۇقارالىق ەتنو-مادەني-سپورتتىق شارالار قاتارىندا كيىز ءۇي قالاشىعى، التىباقان، نايزا لاقتىرۋ، ارقان تارتىس، قول كۇرەس (ارمرەستلينگ) ، تاياق تارتىس (ماسرەستلينگ) ، ءداستۇرلى ساداق اتۋ، سەركە كوتەرۋ، اسىق اتۋ، توعىزقۇمالاق، ايتىس، رەكوردشىلار الاڭى، ەتنوسيرك، قازاق باتىرلارى بار.
ەتنوجارمەڭكە بارىسىندا شەبەرلەر اۋىلى ۇيىمداستىرىلىپ، وندا قولونەر بۇيىمدارى ساۋدالانادى. ۇلتتىق اسپاپتار، كىتاپ كورمەسى، تاريحي-ەتنيكالىق جادىگەرلەر، ەتنوبازار، ءتورت تۇلىك (جىلقى، تۇيە، قوي)، سايگۇلىكتەر، بۇركىت، قارشىعا، يتەلگى، تازى ءيت كورمەسى وتكىزىلەدى.
سونىمەن قاتار قامشىگەرلىك، تەزگە سالۋ، قولقا سالۋ، تىعىرىققا تىرەۋ، ارقان ءورۋ، قامشى ءورۋ، شاڭىراق كوتەرۋ سەكىلدى سالت-داستۇرلەر كورسەتىلەدى.
شارانىڭ باعدارلاماسى:
30- مامىر، بەيسەنبى. جاڭعىرۋ كۇنى
10:00 - 22:00 «Khan Shatyr» كەشەنىنىڭ ماڭى. ەتنوقالاشىقتىڭ قۇرىلۋى
31- مامىر، جۇما. فەستيۆالدىڭ 1- كۇنى
10:00 - 13:00 ەتنوسپورتتىق ويىندار كورىنىسى (كوكپار، اۋدارىسپاق، تەڭگە ءىلۋ، ءداستۇرلى ساداق اتۋ، قامشىگەرلىك)
14:00 - 18:30 «التىن جەبە» 1- الەم چەمپيوناتى. ات ۇستىندە ساداق اتۋ. وقۋ-جاتتىعۋ كەزەڭى. جەرەبە تارتۋ ءراسىمى
19:00 - 20:30 «Nur- Sultan Ethno Fest» مەرەكەسىنىڭ سالتاناتتى اشىلۋ ءراسىمى. كونسەرت
21:00 - 22:00 مەرەكەلىك داستارحان. اۋىزاشار
1- ماۋسىم، سەنبى. فەستيۆالدىڭ 2-كۇنى
10:00 - 14:00 «التىن جەبە» 1- الەم چەمپيوناتى. ازيا ءستيلى
14:00 - 16:00 كۇي سايىس. ايتىس.
16:00 - 18:00 ەتنوسپورتتىق ويىندار كورىنىسى (كوكپار، اۋدارىسپاق، تەڭگە ءىلۋ، ءداستۇرلى ساداق اتۋ، قامشىگەرلىك)
18:00 - 20:30 «بالداۋرەن» بالالارعا ارنالعان مەرەكەلىك كونسەرت
21:00 - 22:00 مەرەكەلىك داستارحان. اۋىزاشار
2- ماۋسىم، جەكسەنبى. فەستيۆالدىڭ 3-كۇنى
10:00 - 14:00 «التىن جەبە» 1- الەم چەمپيوناتى. تۇرىك ءستيلى
14:00 - 15:30 ەتنوسپورتتىق ويىندار كورىنىسى (كوكپار، اۋدارىسپاق، تەڭگە ءىلۋ، ءداستۇرلى ساداق اتۋ، قامشىگەرلىك)
15:30 - 18:30 «التىن جەبە» 1- الەم چەمپيوناتى. قازاق ءستيلى
19:00 - 20:30 «Nur- Sultan Ethno Fest» مەرەكەسىنىڭ سالتاناتتى جابىلۋى. «التىن جەبە» 1- الەم چەمپيوناتى جەڭىمپازدارىن ماراپاتتاۋ ءراسىمى. كونسەرت
21:00 - 22:00 مەرەكەلىك داستارحان. اۋىزاشار
اۆتور: كۇنسۇلتان وتارباي