گولوۆكين-روللس جەكپە-جەگىنىڭ نۇر-سۇلتان ۋاقىتىمەن نەشەدە وتەتىنى بەلگىلى بولدى

نۇر-سۇلتان. قازاقپارات - ورتا سالماقتاعى بۇرىنعى WBC/WBA/IBF چەمپيونى گەننادي گولوۆكين مەن كانادالىق ستيۆ روللس اراسىنداعى جەكپە-جەكتىڭ وتەتىن ۋاقىتى بەلگىلى بولدى.

بۇل تۋرالى Sports.kz حابارلايدى.

شەتەلدىك ب ا ق تاراتقان اقپاراتا سايكەس، قازاقستاندىق پەن كانادالىق بوكسشى اراسىنداعى كەزدەسۋ 8- ماۋسىمدا (قازاقستان ۋاقىتىمەن 9- ماۋسىم كۇنى تاڭەرتەڭ) نيۋ-يوركتەگى «مەديسون سكۆەر گاردەن» كەشەنىندە جەرگىلىكتى ۋاقىتپەن تاڭعى 4 شاماسىندا باستالادى.

ال گولوۆكين-روللس كەزدەسۋى نۇر-سۇلتان ۋاقىتىمەن 9- ماۋسىم، جەكسەنبى كۇنى شامامەن 09:00 دە بولادى.

وسى جەكپە-جەكتىڭ اندەركاردىنداعى كەزدەسۋلەر التى ساعات بۇرىن باستالادى.

ايتا كەتەيىك، الداعى جەكپە-جەكتە شارشى الاڭعا گولوۆكيننىڭ جاڭا باپكەرى دجوناتون بەنكسپەن بىرگە شىعادى.

بۇل كەزدەسۋ وتانداسىمىزدىڭ DAZN كومپانياسىمەن ءۇش جىلعا جاسالعان كەلىسىم شارتى اياسىنداعى العاشقى جەكپە-جەگى بولماق.