تاپسىرىس بولماعاندىقتان وتاندىق كەمە جاساۋ كاسىپورنىنىڭ جۇمىسشىلار قىسقارۋى مۇمكىن

ورال. قازاقپارات - تاپسىرىس جوقتىقتان ورالدىق «زەنيت» زاۋىتىندا جۇمىسشىلار قىسقارۋى مۇمكىن.

بۇل تۋرالى سەناتورلاردىڭ ب ق و- عا جۇمىس ساپارى كەزىندە «ورال «زەنيت» زاۋىتى» ا ق باس ديرەكتورى ۆياچەسلاۆ ۆاليەۆ ءمالىم ەتتى، دەپ حابارلايدى قازاقپارات ءتىلشىسى.

ونىڭ ايتۋىنشا، پرەزيدەنت تاپسىرما بەرسە دە، قازىرگى كەزدە زاۋىتقا مەملەكەتتىك تاپسىرىس پەن ءتيىستى قارجى كولەمى بەرىلمەي وتىر.

جىل سايىن قارجى كولەمى ازايىپ كەلە جاتقاندىقتان، بۇعان دەيىن 100 ادام جۇمىستان قىسقارتىلعان ەدى.

«ەندى قارجى ماسەلەسى تاياۋ ارادا شەشىلمەسە، بولجام بويىنشا تاعى دا 200-دەي ادام جۇمىسىنان ايىرىلۋى مۇمكىن. بۇل وتاندىق كەمە جاساۋ كاسىپورنىنىڭ قىزمەتىنە كەرى اسەرىن تيگىزەتىنى انىق. ءتىپتى تۇرالاپ تا قالۋى ىقتيمال. كۇنى بۇگىن زاۋىتتا 800-دەي ادام ەڭبەك ەتۋدە. مامانداردى جۇمىسپەن قامتاماسىز ەتۋ ءۇشىن زاۋىتتا قۇنى 3 ميلليارد تەڭگە تۇراتىن، سۋ ىعىستىرىلىمى 70 توننالىق تاعى ءبىر كەمە قۇراستىرىلۋدا»، دەدى ۆ. ۆاليەۆ.

ىرگەسى 1941 -جىلى قالانعان كاسىپورىن ەلىمىز تاۋەلسىزدىك العاننان بەرى كەمە جاساۋعا كوشتى. بيىل 30-شى، «نۇر- سۇلتان» اتتى كەمە سۋعا ءتۇسىرىلدى. كەمە- كاتەرلەردىڭ باسىم كوپشىلىگى شەكارا قىزمەتى ءۇشىن جاسالعان، ەلىمىزدىڭ تەڭىز شەكاراسىندا قىزمەت ەتۋدە.

«ءبىز ينفراقۇرىلىمدى جاڭارتىپ، جاڭادان كورپۋس سالدىق. جابدىقتار الدىق. ەڭ باستىسى، مامانداردى دايارلادىق. ون جىلداي ۋاقىت بويى سانكت- پەتەربۋرگ قالاسىنا ينجەنەرلەردى وقۋعا جىبەرىپ وتىردىق. قازىرگى تاڭدا كەمە جاساۋدا ينجەنەرلىك ءبىلىم العان 15-تەي مامان بار. تەك تاپسىرىستىڭ جوقتىعى تۇيىققا تىرەپ تۇر. جۋىردا پرەزيدەنت قاسىم- جومارت توقايەۆتىڭ وڭىرگە ساپارى كەزىندە دە مەملەكەت تاراپىنان كەمەلەرگە تاپسىرىس كولەمىن ۇلعايتۋ ماسەلەسىن ايتقان ەدىم»، - دەيدى ۆياچەسلاۆ ۆاليەۆ.

 «زەنيت» زاۋىتى - ماڭىزدى ستراتەگيالىق كاسىپورىن، وندا كوپتەگەن ادام جۇمىس جاسايدى. زاۋىتتىڭ تاپسىرىس الۋ ماسەلەسىنە قاتىستى دەپۋتاتتىق ساۋال جولدايمىز. ءبىز بۇل ماسەلەمەن پرەمەر- مينيسترمەن قاتار ءتيىستى مينيسترلىكتەر مەن ۆەدومستۆولارعا، سونىڭ ىشىندە جەرگىلىكتى اتقارۋشى ورگاندارعا شىعاتىن بولامىز. بارعان بويدا «زەنيت» زاۋىتىنداعى جاعدايمەن بارلىق دەپۋتاتتاردى قۇلاقتاندىرىپ، جۇمىسپەن قامتۋ ماسەلەسىن قوزعايتىن بولامىز»، - دەدى سەناتتىڭ الەۋمەتتىك- مادەني دامۋ جانە عىلىم كوميتەتىنىڭ ءتورايىمى ءبىرعانىم ايتىموۆا.

اۆتور: ەلجان ەرالى