ماسكەۋ اۋەجايىنا «ەير استانانىڭ» تاعى ءبىر ۇشاعى ورالۋعا ءماجبۇر بولدى

ماسكەۋ. قازاقپارات - ماسكەۋدەن ۇشىپ شىققان «ەير استانا» كومپانياسىنىڭ ۇشاعى تەحنيكالىق سەبەپتەرگە بايلانىستى شەرەمەتيەۆو اۋەجايىنا قايتا ورالدى، دەپ حابارلايدى قازاقپارات.

«كەشە «ەير استانا» اۆياكومپانياسىنىڭ «نۇر-سۇلتان-ماسكەۋ (شەرەمەتيەۆو)» باعىتى بويىنشا KZR873 رەيسىنىڭ ۇشاعى تەحنيكالىق سەبەپتەرگە بايلانىستى ۇشىپ شىققان اۋەجايىنا قايتىپ ورالدى. А321 اۋە كەمەسى ساعات 21:57 دە ءساتتى قوندى. بورتىندا 127 جولاۋشى مەن ەكيپاجدىڭ 8 مۇشەسى بولدى»، - دەلىنگەن ق ر يندۋستريا جانە ينفراقۇرىلىمدىق دامۋ مينيسترلىگى ازاماتتىق اۆياتسيا كوميتەتىنىڭ Facebook-تەگى مالىمەتىندە.

ايتا كەتەيىك، وسىدان بىرەر كۇن بۇرىن رەسەيلىك ب ا ق «نۇر-سۇلتان-ماسكەۋ» رەيسىن ورىنداۋ ءۇشىن شەرەمەتيەۆو اۋەجايىنان ۇشىپ شىققان «ەير استانا» ۇشاعى قوزعالتقىشىنداعى اقاۋعا بايلانىستى قايتا ورالۋعا ءماجبۇر بولعانىن جازعان ەدى.

الايدا، كەيىن «ەير استانا» اۋەكومپانياسى ۇشاقتىڭ اۋەجايعا اپاتتىق جاعدايدا قونعانى تۋرالى اقپاراتتىڭ شىندىققا جاناسپايتىنىن مالىمدەدى.

«16- مامىر كۇنى نۇر-سۇلتان - ماسكەۋ باعىتى بويىنشا ك س873 رەيسىمەن ۇشىپ شىعۋى ءتيىس ۇشاق 40 مينۋتقا كەشىكتى. وعان «كەيىنگە قالدىرۋعا بولاتىن جارامدى دەفەكت» سەبەپ بولعان. دەگەنمەن، ول اقاۋ ۇشاقتى ودان ءارى ەكسپلۋاتاتسيالاۋعا مۇمكىندىك بەرەرلىك دەڭگەيدە شاعىن بولعان»، - دەپ ءمالىم ەتكەن ەدى كومپانيانىڭ باسپا ءسوز قىزمەتىنەن.

حابارلانىپ وتىرعانداي، ەكيپاج كومانديرى شەرەمەتيەۆو اۋەجايىنا قونباس بۇرىن شەكتەۋلەردى ەسەپكە الا وتىرىپ، توقتاۋ ءۇشىن ۇزاق جولاقتىڭ قاجەت بولۋىنا بايلانىستى اۋەجايدىڭ ۇشىپ-قونۋ جولاعىن تولىق بەرۋدى سۇراعان.

«اۋە كەمەسىنىڭ كومانديرى ەشقانداي اپاتتىق قونۋ جاعدايى تۋرالى حابارلاعان جوق. قونۋ شتاتتىق رەجىمدە جۇرگىزىلىپ، جولاۋشىلار تەرمينالدىڭ «جەڭى» (تەلەتراپ - اۆت) ارقىلى شىقتى. كەيىنگە قالدىرۋعا بولاتىن جارامدى دەفەكت - اۋە كەمەسىنىڭ يدەنتيفيكاتسيالىق اقاۋى. وعان مينيمالدى قۇرىلعى ءتىزىمىنىڭ (MEL) نەمەسە كونفيگۋراتسيانىڭ اۋىتقۋشىلىق ءتىزىمىنىڭ شەگىندەگى اقاۋ رەتىندە باعا بەرىلدى. اقاۋ كورسەتىلگەن شەك دەڭگەيىندە قالپىنا كەلتىرىلدى»، - دەلىندى حابارلامادا.