پرەزيدەنتتىككە ۇمىتكەرلەردىڭ شوتىنا قانشا قاراجات ءتۇستى - ق ر و سايلاۋ كوميسسياسىنىڭ ەسەبى

نۇر-سۇلتان. قازاقپارات - ق ر سايلاۋ كوميسسياسى قازاقستان رەسپۋبليكاسى پرەزيدەنتتىگىنە كانديداتتاردىڭ سايلاۋ قورىنا تۇسكەن قاراجاتتار مەن ولاردىڭ جۇمسالۋى تۋرالى ەسەپتى جاريالادى، دەپ حابارلايدى قازاقپارات ءتىلشىسى.

ق ر و س ك 2019-جىلدىڭ 17- مامىرىنداعى جاعداي بويىنشا ەسەپتى ۇسىندى.

ماسەلەن، قاسىم-جومارت توقايەۆتىڭ ءوز قاراجاتى جانە ونى ۇمىتكەر رەتىندە ۇسىنعان «Nur Otan» پارتياسى بولگەن قاراجات 510 ميلليون تەڭگەنى قۇرادى. رەسپۋبليكا ازاماتتارى مەن ۇيىمداردىڭ ەرىكتى اقشا اۋدارىمدارى 514 ميلليون 457 مىڭ 970 تەڭگە بولدى.

كورسەتىلگەن كەزەڭگە دەيىن اتالعان سومانىڭ 185 ميلليون 593 مىڭ 069,46 تەڭگەسى جۇمسالعان. ولار باسپا، دىبىس-بەينە جانە وزگە دە ۇگىت ماتەريالدارىن شىعارۋعا جانە تاراتۋعا، سونداي-اق زاڭدى جانە جەكە تۇلعالاردىڭ ۇگىت جۇمىستارىن ۇيىمداستىرۋعا باعىتتالعان. سونىمەن قاتار سەنىم بىلدىرگەن ادامداردىڭ كولىك شىعىندارىن جابۋعا، سايلاۋشىلارمەن كەزدەسۋ ءۇشىن ءۇي-جايلاردى جالعا الۋعا تولەنگەن.

سادىبەك تۇگەلدىڭ سايلاۋ قورىنا ءوز اقشاسى جانە ونى ۇسىنعان «ۇلى دالا قىراندارى» رەسپۋبليكالىق قوعامدىق قوزعالىسىنىڭ ەسەبىنەن 200 مىڭ تەڭگە تۇسكەن. ەل تۇرعىندارى مەن ۇيىمدار ۇمىتكەردى قولداۋعا ەرىكتى تۇردە 75 ميلليون 872 مىڭ تەڭگە اۋدارعان. شىعىس سوماسى - 76 ميلليون 053 تەڭگە.

قازاقستان كوممۋنيستىك حالىق پارتياسى اتىنان پرەزيدەنتتىككە كانديدات جامبىل احمەتبەكوۆتىڭ ءوز قاراجاتى جانە پارتيانىڭ بولگەن سوماسى - 250 ميلليون تەڭگە. حالىقتىڭ قايتارىمسىز نەگىزدە بەرگەن سوما - 88 ميلليون 320 تەڭگە. ۇگىت-ناسيحات جۇمىستارىنا 289 ميلليون 770 مىڭ 683,72 تەڭگە جۇمسالعان.

ال دانيا ەسپايەۆا مەن ونى ۇسىنعان «اقجول» پارتياسى سايلاۋ قورىنا اقشا اۋدارماعان. كانديداتتىڭ قورىن 112 ميلليون 967 مىڭ تەڭگەمەن حالىق پەن ۇيىمدار تولتىرعان. د. ەسپايەۆا بۇل سومانىڭ 109 ميلليون 495 مىڭ 277 تەڭگەسىن جاراتىپ ۇلگەرگەن.

«قازاقستان رەسپۋبليكاسىنىڭ كاسىپوداقتار فەدەراتسياسى» رەسپۋبليكالىق كاسىپوداقتار بىرلەستىگى جانە ودان ۇمىتكەر امانگەلدى تاسپيحوۆ تە سايلاۋ قورىن تولتىرماعان. ونىڭ شوتىنا تۇسكەن ەرىكتى اۋدارىمداردىڭ كولەمى 101 ميلليون 850 مىڭ تەڭگەنى قۇرادى. حالىق اراسىنداعى ۇگىت-ناسيحات جۇمىستارىنا 75 ميلليون 216 مىڭ 780 تەڭگە باعىتتالعان.

«اۋىل» پارتياسى اتىنان سايلاۋعا تۇسەتىن تولەۋتاي راحىمبەكوۆتىڭ ءوز قاراجاتى جانە پارتيا اۋدارعان سوما كولەمى - 108 ميلليون 007 مىڭ تەڭگە. راحىمبەكوۆتىڭ شوتىنا حالىقتىڭ جانە ۇيىمداردىڭ اتىنان ەرىكتى اقشا مۇلدەم اۋدارىلماعان. وسى ۋاقىتقا دەيىنگى شىعىسى - 77 ميلليون 502 مىڭ 977,85 تەڭگە.

كانديدات ءامىرجان قوسانوۆتىڭ ءوز قاراجاتى ەسەبىنەن جانە «ۇلت تاعدىرى» قوعامدىق بىرلەستىگىنەن سايلاۋ قورىنا 76 ميلليون تەڭگە تۇسكەن. ەل ازاماتتارىنىڭ ەرىكتى اۋدارىمدارى 643 مىڭ 600 تەڭگەنى قۇرادى. قوسانوۆ باسپا جانە وزگە دە ۇگىت ماتەريالدارىن شىعارۋعا جانە تاراتۋعا، ب ا ق- قا شىعۋعا، زاڭدى جانە جەكە تۇلعالاردىڭ ۇگىت جۇمىستارىن ۇيىمداستىرۋعا 52 ميلليون 999 مىڭ 706,88 تەڭگە جۇمساعان.

ايتا كەتەيىك، الداعى 9- ماۋسىم كۇنى وتەتىن پرەزيدەنتتىك سايلاۋعا 7 كانديدات تۇسەدى.

كانديداتتاردىڭ سايلاۋالدى ۇگىت-ناسيحات جۇمىستارى 11- مامىر كۇنى ساعات 18:00 دە باستالدى. ول 8- ماۋسىم تۇنگى ساعات 00:00 گە دەيىن جالعاسادى.

داۋىس بەرۋ 9- ماۋسىمدا جەرگىلىكتى ۋاقىت بويىنشا 07:00-20:00 ارالىعىندا وتەدى. سايلاۋ اياقتالعان كەزدەن باستاپ 12 ساعاتتان كەشىكتىرمەي سايلاۋ ۋچاسكەلەرىندە بيۋللەتەندەردى ساناۋ جۇرگىزىلەدى. اكىمشىلىك-اۋماقتىق بىرلىكتەر بويىنشا داۋىستاردى ساناۋ ناتيجەلەرى اۋماقتىق كوميسسيالاردىڭ وتىرىستارىندا بەلگىلەنەدى جانە و س ك- عا ەكى كۇن مەرزىم ىشىندە (11- ماۋسىمنان كەشىكتىرمەي) جەتكىزىلەدى. ورتالىق سايلاۋ كوميسسياسىنىڭ سايلاۋ ناتيجەلەرىن بەلگىلەۋىنە جانە جاريالاۋىنا، سايلانعان پرەزيدەنتتى تىركەۋىنە 7 كۇن كوزدەلگەن.