+7 (701) 759 90 19
8 °С : نۇر-سۇلتان
15 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

قاي كەزدە جۇمىس اۋىستىرۋ كەرەك؟

22 مامىر 02:20
:ءبولىسۋ
قاي كەزدە جۇمىس اۋىستىرۋ كەرەك؟

نۇر-سۇلتان. قازاقپارات - ەڭبەكپەن قامتۋ ىسىندەگى ماماندار ەگەر جۇمىس ءوز قىزىعىن جوعالتا باستاسا، ونى تەزىرەك اۋىستىرۋ كەرەك ەكەندىگىن ايتادى.

ەڭبەك ماسەلەسىندە تۇراقتى جۇمىستى اۋىستىرۋ كەرەك پە، جوق پا دەگەن سۇراق كوپ باس اۋىرتاتىنى ايقىن. ءوزى ءسۇيىپ اتقارمايتىن جۇمىستى قانشا قينالسا دا، ارى قاراي جالعاستىرا المايتىن جۇمىسكەرلەر جوق ەمەس. سىزگە جۇمىس اۋىستىرۋ كەرەك بولعانىن قالاي بىلۋگە بولادى؟ ماماندار وسى سۇراققا جاۋاپ بەرەدى.

جۇمىسقا دەگەن قىزىعۋشىلىق جوعالا باستاسا

ءسىز بۇل كومپانيادا بۇرىننان بەرى جۇمىس اتقاراسىز. كۇن سايىن بر قالىپتاعى جۇمىستان شارشاعان دا بولارسىز؟ ەشقانداي وزگەرىسسىز جانە جاڭارتىلۋسىز ءبىر عانا مىندەتتى اتقارا بەرۋ ءسىزدى قاجىتا باستاسا، وندا قىزمەتكەر جۇمىس اۋىستىرۋ كەرەك ەكەندىگىن تۇسىنەدى.

كارەرالىق ساتىدا ءبىر ورىننان قوزعالماي قالساڭىز

بۇل تەك 2-3 ادام عانا جۇمىس جاسايتىن كىشىگىرىم كومپانيالارداعى قىزمەتكەرلەرگە قاتىستى. ارينە، مۇنداي ورتادا ءسىز كارەرالىق ساتىدا ارتقا ىلديلاماساڭىز، العا جىلجۋىڭىز دا ەكىتالاي.

تياناقتىلىق جوعالعاندا

بۇل، ارينە، جالاقى ماسەلەسىنە بايلانىستى جاعداي. بۇگىن تولەپ، ەرتەڭ جوعالىپ كەتەتىن كومپانيالارعا ىلىككەن قىزمەتكەرلەر جوق ەمەس. سىزگە ولار الدىمەن قىزىعۋشىلىعىڭىزدى ارتتىرۋ ءۇشىن قوماقتى قارجى تولەۋى مۇمكىن. ءبىراق اي وتە، ولار جالاقى بەرۋ ماسەلەسىنە كەلگەندە، ۇستاتپاي كەتەدى. بۇل جاعداي ءبىزدىڭ ورتادا كەڭىنەن تارالعان. جالاقىسىن كوپكە دەيىن بەرمەي، نە ايلاپ كەشىكتىرىپ جاتقان كومپانيامەن تەز ارادا قوشتاسقىسى كەلەتىن قىزمەتكەرلەر بار. سودان سوڭ، ولار تەككە ۋاقىت ولتىرگەنشە، ىڭعايلى جۇمىس تابۋعا كۇش سالادى.

ايلىق وسپەسە

ارينە، اي سايىن ايلىقتىڭ ءوسىپ وتىرۋى مۇمكىن ەمەس. ايتكەنمەن ءبىر ورىندا قاتىپ قالعان جالاقى قىزمەتكەردىڭ قىزىعۋشىلىعىن جويۋى مۇمكىن. ەگەر قىزمەتكەردى جالاقى «رەنجىتپەسە»، ول ءوز جۇمىسىنداعى باسقا مينۋسى بار جاعدايلارعا كوز جۇمىپ قاراۋعا تىرىسادى. بولماسا «اش» قىزمەتكەر جاقىن ۋاقىتتا «نانى كوپ» جۇمىس ىزدەۋگە دەيىن بارادى.

ۇجىمداعى قولايسىز جاعدايلار تىنىم بەرمەسە

العاشىندا سىزدەر ءبىر- بىرىڭىزگە سۇيەۋ بولىپ، ءبىر جەڭنەن قول، ءبىر جاعادان باس شىعارىپ، قىزمەت ەتىپ كەلگەن بە ەدىڭىزدەر؟ ال قازىر ءبارى باسقا ارناعا ءتۇسىپ كەتتى مە؟ جۇمىس ورنىندا ءجيى كەلەڭسىز جاعدايلار پايدا بولىپ، ءجيى ۇرىس- كەرىس تۋىنداپ جاتسا، ول قىزمەتكەرلەردى جالىقتىرادى. وندايدا ول ءوز كەڭسەسىنە باس سۇققىسى كەلمەي قالادى. دەمەك جاقىن ارادا ءسىز ءوز ارىپتەسىڭىزدىڭ جۇمىستان كەتۋ جونىندەگى ارىزىن وقۋىڭىز ابدەن مۇمكىن.

دەرەككوز: Reactor


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات