19:54, 21 - مامىر 2019 | GMT +6
جەر شەتەلدىكتەرگە ساتىلمايدى - قاسىم- جومارت توقايەۆ
نۇر- سۇلتان. قازاقپارات - پرەزيدەنت قاسىم- جومارت توقايەۆ ءوزىنىڭ مەملەكەت باسشىسى رەتىندەگى بەرىك ۇستانىمىن ءبىلدىردى. بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي فەيسبۋكتەگى پاراقشاسىندا حابارلادى.
««جەر شەتەلدىكتەرگە ساتىلمايدى. بۇل مەنىڭ پرەزيدەنت رەتىندەگى بەرىك ۇستانىمىم!» پرەزيدەنت قاسىم- جومارت توقايەۆ قوستاناي وبلىسىندا شارۋا قوجالىقتارى باسشىلارىمەن بولعان كەزدەسۋدە وسىلاي مالىمدەدى» دەلىنگەن حابارلامادا.
ايتا كەتەيىك، بۇگىن قاسىم- جومارت توقايەۆ جۇمىس ساپارىمەن قوستاناي وبلىسىنا بارىپ، جاستار فورۋمىنا قاتىستى. فورم بارىسىندا پرەزيدەنت 2020 -جىلدى ۆولونتەرلار قوزعالىسىنىڭ جىلى دەپ جاريالاۋدى قولدايتىنىن مالىمدەدى. سونداي- اق، ول «جىل ۆولونتەرى» حالىقارالىق سىيلىعىن تاعايىنداۋدى ۇسىندى.