ورازا ءبىز بىلمەيتىن تاعى قانداي اۋرۋلارعا ەم؟

None
None
 نۇر- سۇلتان - قازاقپارات - قازاقستاندىق كىتاپ- بلوگەر، جۋرناليست مارفۋعا شاپيان ورازانىڭ دەنساۋلىققا تيگىزەر پايداسى تۋرالى ايتىپ بەردى.

ورازانىڭ دەنساۋلىققا تيگىزەر پايداسى كوپ ەكەنى بەلگىلى. ءبىراق، سونىڭ ىشىندە ورازا ادامنىڭ بويىنداعى 5 ءتۇرلى دەرتتى جويۋعا كومەكتەسەدى ەكەن.

مارفۋعانىڭ ايتىنشا، ورازادا ادام اعزاسىنداعى ەسكى، ياعني اۋرۋ جاسۋشالاردىڭ بارلىعى جوعالىپ، جاڭا جاسۋشالار پايدا بولادى. بۇل تۇجىرىمدامانى 2016 -جىلى جاپون عالىمى يۋسۋنوري اسۋمي ورازانىڭ پايداسىن دالەلدەپ بەرگەن زەرتتەۋىندە ايتقان. ول بۇل ەڭبەگى ءۇشىن ءتىپتى نوبەل سىيلىعىن العان. سوندا ول ءوز زەرتتەۋلەرىندە، ادام اشىققان كەزدە اعزاداعى اۋرۋ، ءولى جاسۋشالاردى ءتىرى جازۋشالاردىڭ جەي باستايتىنى جونىندە ايتادى. ءسويتىپ، ول بۇل تۇجىرىمداماسىن عىلىمي تۇردە دالەلدەپ شىقتى.

عىلىمدا بۇل «اۋتوفاگيا» دەپ اتالادى. ياعني، گرەك تىلىندە «ءوزىن- ءوزى» جەۋ دەگەن ماعىنا بەرەدى. مىنە، سول سەكىلدى ءبىز كۇنى بويى اشىققان كەزدە اعزاداعى اۋرۋ جاسۋشالاردىڭ بارلىعىن ساۋ جازۋشالارىمىز جەپ قويادى دا، ءوزىن- ءوزى تازارتىپ شىعادى ەكەن.

«جالپى، اللا تاعالانىڭ بىزگە جاسا دەگەن كەز- كەلگەن پارىز امالىندا ادام دەنساۋلىعى ءۇشىن وتە ۇلكەن پايدا بارى انىق» ، - دەيدى مارفۋعا شاپيان.

 ەكىنشىدەن، ورازا ۇستاعان ادام ءوزىن قانت اۋرۋىنان ساقتايدى. سونىمەن، ورازا قانت اۋرۋىن ەمدەي الادى.

 قازىرگى تاڭدا الەم بويىنشا قانت اۋرۋىن ەمدەۋدىڭ ءبىر جولى بۇل -  اشىعۋ ارقىلى جاسالادى، دەيدى بلوگەر. ونىڭ ىشىندە 10-20 ساعاتقا اشىعۋمەن ەمدەپ جۇرگەن دارىگەرلەر دە وتە كوپ.

«بۇل كەزدەرى اعزامىزداعى قانت، ودان كەيىن تەرى استىنداعى مايلاردىڭ بارلىعى ءبىز اشىققان كەزدە ەري باستايدى. ءسويتىپ، سول جەردەگى قورداعى ەنەرگيانى قولدانا باستايدى. مىنە، سوندىقتان دا اۋىز اشقان ۋاقىتتا بىزگە مۇمكىندىگىنشە كوبىرەك سۋ ءىشۋ كەرەك. سەبەبى، سۋ اعزاداعى قانت پەن مايدى ەرىتىپ، ىدىراتۋعا كوپ كومەك بەرەدى» ، - دەيدى مارفۋعا شاپيان.

 نوبەل سىيلىعىنىڭ يەگەرى الەكسەي سكارەل ءوزىنىڭ «بەلگىسىز ادام» اتتى ەڭبەگىندە ورازانىڭ پايداسى تۋرالى ەرەكشە توقتالىپ وتكەن. ول كىتابىندا ورازانىڭ بارلىق دىندە ناسيحاتتالىپ ايتىلىپ كەلەتىنىن جازعان. بۇعان ونىڭ دەنساۋلىققا پايدالى بولعانى سەبەپ دەيدى. سونىڭ ىشىندە قانت اۋرۋىن ەمدەۋدە ۇلەسى زور.

 ۇشىنشىدەن، ورازا ارتىق سالماقتان ارىلۋعا كومەكتەسەدى. وزدەرىڭىز بىلەتىندەي، ارتىق سالماق، سەمىزدىكتىڭ ءوزى -  اۋرۋ. سوندىقتان، ورازا ارقىلى دەنساۋلىعىن جاقسارتقىسى كەلەتىن ادامدارعا اۋىز اشار مەن سارەسىندە جەڭىل تاعامدار جەۋگە كەڭەس بەرىلەدى. ءبىراق، بۇل جاي تىسكەباسارلار ەمەس، قۇنارلى تاعامدار بولۋى كەرەك.

 تاعى ءبىر پايداسى -  ورازا اعزامىزداعى تەرى اۋرۋلارىنان ايىعۋعا كومەكتەسەدى. ورازا كەزىندە ادامنىڭ ءىش قۇرىلىسىندا تازارتۋ پروتسەستەرى جۇرگەندىكتەن، سىرتقى اعزا دا تازارا باستايدى. سول سەبەپتى تەرى اۋرۋلارى ءۇشىن دە ورازا تاپتىرمايتىن ەم.

ورازانىڭ دەنساۋلىققا تيگىزەر 5- پايداسى تۋرالى ايتار بولساق، 16- كۇن مەن 30- كۇننىڭ ارالىعىندا اعزادا دەداكتسيكاتسيا جۇرەدى. ويتكەنى، بۇل كەزدە اعزا ۋلى توكسيندەردەن تازارىپ، ورازانىڭ سوڭعى كۇندەرىندە ادام سەرگەك جۇرەدى. ويى، ميى تىنىعىپ، جاقسى جۇمىس ىستەي باستايدى.

بۇدان باسقا، ورازا قان قويۋلانۋىنىڭ الدىن الۋعا، يممۋنيتەتتى جاقسارتۋعا جانە كوزدىڭ كورۋىنە جاقسى اسەر ەتۋى سياقتى كوپتەگەن اۋرۋلاردان ارىلۋعا كومەكتەسەدى.

سوڭعى جاڭالىقتار